ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⴷⴰⵏⵉ ⵡⵓ, ⴰⵏⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⴰⵙⵙ ⵏ 8 ⵛⵓⵜⴰⵏⴱⵉⵔ 2026, ⵢⴰⵜ ⵜⵓⵏⵏⵉⴹⵜ ⵏ ⵓⵎⵢⴰⵡⴰⵙ ⵉⵙⵔⵓⵙⵏ ⵢⴰⵏ ⵓⵙⴰⵜⵉ ⴰⵎⵔⵙⴰⵍ ⵉⵏⵎⵍⴰⵏ ⵉⴳⴰⵏ ⵓⵙⵓⵍⴰⵏ ⵉ ⵉⵎⵢⴰⵙⵙⴰⵏⵜ ⴳⵔ ⵜⴼⵓⵍⵉⵏ ⴷ ⴰⵔ ⵜⵏⵏⵓⵕⵥⵓⵎ ⵢⵉⴳⵔ ⵎⵏⵉⴷ ⵏ ⵓⵎⵔⴰⵔⴰ ⵏ ⵜⵎⵓⵣⴰⵢⵉⵏ ⴷ ⵜⵓⵙⵏⵉⵡⵉⵏ ⴷ ⴰⵔ ⵜⵙⴷⵓⵙ ⵜⵉⵣⵎⵎⴰⵔ ⵜⵉⵣⵣⵓⵍⴰⵏⵉⵏ ⴷ ⵜⵎⵔⵙⴰⵍⵉⵏ ⴷ ⴰⵔ ⵜⵙⴱⵓⵖⵍⵓ ⵜⵉⵙⵏⵜⴰⵢⵉⵏ ⵜⵉⵎⴰⵣⴰⵔⵉⵏ ⴳ ⵉⴳⵔⴰⵏ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

ⵉⵜⵜⵓⵙⴽⴰⵔ ⵓⵙⴳⵎⴹ ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⵍⵍⵉ ⵉⵙⴽⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⵙ ⴷⴰⵔ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⵉⵎⵢⴰⴽⵓⴷ ⵏⵉⵜ ⴰⴽⴷ ⵜⴷⵔⴰⵡⵜ ⵏⵏⵙ ⴳ ⵜⵙⵓⵜⵍⵜ ⵜⵉⵙ ⵢⴰⵜ ⴷ ⵎⵔⴰⵡⵜ ⵏ ⵓⴳⵔⴰⵡ "ⴰⵖⵜⵜⵓⵙ ⴷ ⵓⴱⵔⵉⴷ", ⵉⴳ ⵓⵔⵣⴰⴼ ⴰⴷ ⵢⴰⵏ ⵓⵣⵎⵣⵣⵓ ⵏ ⵓⵔⵣⵣⵓ ⵏ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳⵔ ⵙⵏⴰⵜ ⵜⴼⵓⵍⵉⵏ ⴷ ⵓⵎⴹⴰⴽⴰⵕ ⵅⴼ ⵜⵔⵎⵉⵜⵉⵏ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ, ⵍⵓⵎⵎⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵓⵙⵎⴰⴷ ⴳⵔ ⵓⵣⵣⴳⵉⵔ ⵏ ⵓⵙⵍⴳⵏ ⴷ ⵡⴰⵔⴰⵢ ⴷ ⵓⵙⴼⵔⴽ ⵏ ⵡⴰⵎⵓⵏ, ⵙⵍⴰⵡⴰⵏ ⴰⴽⴽⵯ ⵜⴰⵎⵓⵣⴰⵢⵜ ⵍⵍⵉ ⵜⵙⴳⵓⴷⵉ ⴳ ⵙⵎⵎⵓⵙⵜ ⵜⴰⵙⵓⵜⵉⵏ ⴰⴷ ⵍⵍⵉⵖ ⵜⴻⵜⵜⵓⵙⵔⴰⵙ ⴰⵙⴳⴳⵯⴰⵙ 1974. 

ⵜⵓⵏⵏⵉⴹⵜ ⴰⴷ ⵔⴰⴷ ⵜⴰⵡⵙ ⴳ ⵓⵙⴰⵍⵉ ⵏ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ, ⴳ ⵢⴰⵏ ⵓⵙⴰⵜⵉ ⵉⵏⵎⴰⵍⴰⵏ ⵙ ⴰⵢⵍⵍⵉ ⵔⴰⴷ ⵉⵙⵓⵊⴰⴷ ⵢⴰⵏ ⵓⵙⴰⵢⵔⴰⵔ ⵏ ⵓⵎⵔⴰⵔⴰ ⵏ ⵜⵓⵙⵙⵏⵉⵡⵉⵏ ⴷ ⵜⵎⵓⵣⴰⵢⵉⵏ ⴷ ⵓⵙⴱⵓⵖⵍⵓ ⵏ ⵜⵣⵎⵎⴰⵔ ⴷ ⵉⵏⵉⴳ ⵏ ⵉⴳⵔⴰⵏ ⵉⵎⴰⵢⵏⵓⵜⵏ ⵏ ⵜⵡⵓⵔⵉ ⵜⴰⵎⴰⵣⴰⵔⵜ, ⴷ ⵏⵏⴰ ⵉⵙⴰⴷⵎⵔⵏ ⵉ ⵜⵏⵥⴰⵕ ⵉⵜⵜⵓⵙⵎⴰⵢⵏⵓⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ.

ⴳ ⵜⴰⵎⴰ ⵏ ⵓⵣⴰⵣⵓ ⴰⴷ ⴰⵙⵉⵏⵔⴰⵏ, ⵉⴳⴰ ⵓⵔⵣⴰⴼ ⴰⴷ ⵢⴰⵏ ⵓⵣⵎⵣⵣⵓ ⵏ ⵓⵎⴹⴰⴽⴰⵕ ⴳ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏ ⵜⵡⵓⵔⵉ ⵜⴰⴳⵜⴼⵓⵍⵉⵏ ⴳ ⵓⵙⴰⵜⵉ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵏⴱⴰⴹⵉⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ(IAACA), ⴰⵎⴹⴰⴽⴰⵕ ⴰⴷ ⵉⵍⵍⴰ ⵅⴼ ⵉⵣⵉⵣⵡⵔⵏ ⵏ ⵜⵡⵓⵔⵉ ⵏ ⵜⵎⵙⵎⵓⵏⵜ, ⴷ ⵜⵖⴰⵔⴰⵙⵉⵏ ⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴳⵔ ⵉⴳⵎⴰⵎⵏ ⵏⵏⵙ ⴷ ⵜⵎⵙⵍⴰⵢ ⴷ ⵜⵏⵥⴰⵕ ⵜⵉⵎⴰⵢⵏⵓⵜⵉⵏ ⵏⵏⴰ ⵉⵙⵖⴰⵡⵙⴰⵏ ⵙ ⵓⵣⴷⴷⵓⵢ ⵏ ⵉⵙⴰⴷⵎⵔⵏ   ⴳ ⵓⵙⵡⵉⵔ ⴰⴳⵔⴰⵖⵍⴰⵏ.

ⴳ ⵡⴰⵎⵎⴰⵙ ⵏ ⵉⵎⴹⴰⴽⴰⵕⵏ ⴰⴷ, ⵜⵚⴰⵃⴰ  ⵢⴰⵜ ⵜⵏⴼⵔⴰⵔⵜ ⵉⵥⵍⵉⵏ ⵏ ⵎⴰⵙⵙ ⴷⴰⵏⵉ ⵡⵓ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⴷ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⵍⵍⵉ ⵏⵉⵜ ⵉⴳⴰⵏ ⴰⴳⵎⴰⵎ ⵏ ⵜⵙⵇⵇⵉⵎⵜ ⵏⵏⵙ ⵜⴰⵎⵣⵣⴳⴰⵔⵜ ⵉ ⵓⵙⵓⵊⴷ ⵏ ⵓⴳⵔⴰⵡ ⴰⵙⴳⵯⵙⴰⵏ ⴷ ⵉⴷⴷⴰⵏ ⵏ ⵜⵎⵙⵎⵓⵏⵜ ⵏⵏⴰ ⵉⵎⵢⴰⴽⵓⴷⵏ ⴷ ⵓⴽⵜⵜⴰⵢ ⵡⵉⵙ ⴰⴳⵏⴰⵔ ⵏ ⵓⵙⵔⵓⵙ ⵏⵏⵙ, ⵍⵍⵉ ⵔⴰⴷ ⵢⵉⵍⵉ ⴳ ⵜⵎⴷⵉⵏⵜ ⵏ ⵎⵕⵕⴰⴽⵛ ⴳⵔ 24 ⴰⵔ 26 ⵏⵓⵡⴰⵏⴱⵉⵔ 2026 . ⴳ ⵓⵙⴰⵜⵉ ⴰⴷ ⵉⵍⵍⴰ ⵓⵎⴹⴰⴽⴰⵕ ⵅⴼ ⵜⵖⴰⵔⴰⵙⵉⵏ ⵍⵍⵉ ⵔⴰⴷ ⵢⴰⵊⵊ ⴰⵏⵎⵓⵇⵇⴰⵔ ⴰⴷ ⴰⴷ ⵉⴳ ⵢⴰⵜ ⵜⵎⵍⴷⴰ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵎⵔⴰⵔⴰ ⵏ ⵉⵥⵕⵉ ⵅⴼ ⵉⵙⵏⴼⴰⵍ ⴷ ⵜⵏⵥⴰⵕ ⵏⵏⴰ ⵉⵍⵍⴰⵏ ⵎⵏⵉⴷ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⴳ  ⵢⵉⴳⵔ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⴳⵓⴼⵙ.

ⴰⵔ ⵉⵎⵎⴰⵍ ⵓⵔⵣⴰⴼ ⴰⴷ ⴳ ⵉⵎⵏⵉⴷ ⵏⵏⵙ, ⵢⴰⵏ ⵓⵙⵡⴰⵍⴰ ⵉⴱⴷⴷⵏ ⵅⴼ ⵓⵣⴷⴰⵢ ⵏ ⵜⵣⴷⴳⵉ ⵙ  ⵜⴷⵉⵏⴰⵎⵉⵜⵉⵏ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵡⵉⵏ ⵓⵙⵙⴰⵔⵓ ⴷ ⵜⵓⵚⴽⴰ ⵏ ⵜⴷⵔⴰⵡⵉⵏ ⵜⵉⵙⵉⵏⵔⴰⵏⵉⵏ ⵉⵕⵡⴰⵏ ⴰⴽⴷ ⵜⵎⵔⵙⴰⵍ ⵜⵉⵏⴳⴳⵯⴰ ⴷ ⵓⵙⴷⵓⵙ ⵏ ⵓⴱⵣⴰⵔ ⵏ ⵓⴳⵔⴰⵡ ⴳ ⵉⵙⵓⵜⴰⵢ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⴳⵜⵉⴼⵓⵍⵉⵏ ⵙ ⵎⴰⴷ ⵉⵏⵏⴰⵍⵏ ⵜⵉⵍⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⴱⵣⴰⵔ ⵏⵏⵙ ⴳ  ⵉⵙⴳⵔⴰⵡⵏ ⴷ ⵜⵓⴳⴳⴰⵙ ⵜⵉⴳⵔⴰⵖⵍⴰⵏⵉⵏ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

 ⵜⴽⵛⵎ ⵜⴷⵔⴰⵡⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴳ ⵜⵡⵓⵔⵉⵡⵉⵏ ⵏⵜⵙⵓⵜⵍⵜ ⵜⵉⵙ ⵢⴰⵜ ⴷ ⵎⵔⴰⵡⵜ ⵏ ⵓⴳⵔⴰⵡ "ⴰⵖⵜⵜⵓⵙ ⴷ ⵓⴱⵔⵉⴷ" (Belt and Road Summit)ⴳ ⵢⴰⵏ ⵓⵙⵡⴰⵍⴰ ⴰⴳⵔⴰⵖⵍⴰⵏ ⵉⵡⴰⵜⵙⵏ ⴰⵙⴷⵓⵙ ⵏ ⵜⵉⵍⵉⵜ ⵏ ⵜⵎⵙⵍⴰⵢ ⵏ ⵜⵣⴷⴳⵉ ⴷ ⵜⵙⵓⵙⵖⵜ ⴳ ⵉⵙⴰⵢⵔⴰⵔⵏ ⵏ ⵓⵎⵙⴰⵡⴰⵍ ⴰⴷⵎⵙⴰⵏ ⴷ ⵓⵥⵕⴼⴰⵏ ⴷ ⵓⵙⴱⵏⵏⴷ ⵏ ⵜⵉⵍⴰⵍⵜ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴳ ⵓⵙⴷⵓⵙ ⵏ ⵜⵎⵢⴰⵎⴰⵏⵜ ⴷ ⵓⵙⴷⵓⵙ ⵏ ⵜⵡⵏⵏⴰⴹⵜ ⵏ ⵜⵡⵓⵔⵉ ⴷ ⵓⴹⴼⴼⵓⵕ ⵏ ⵜⴷⵉⵏⴰⵎⵉⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ. 

ⵉⵙⴳⵎⴹ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⵜⵓⵏⵏⵉⴹⵜ ⵏ ⵓⵎⵙⴰⵙⴰ ⴰⴽⴷ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ ⵉⵎⵢⴰⴽⵓⴷ ⵏⵉⵜ ⵜⴷⵔⴰⵡⵜ ⵏⵏⵙ ⴳ ⵜⵙⵓⵜⵍⵜ 11 ⵏ ⵓⴳⵔⴰⵡ ⵏ ⵓⵖⵜⵜⵙ ⴷ ⵓⴱⵔⵉⴷ.

ⵎⴽⵍⵍⵉ ⵓⵎⴰⵏ ⵉⵎⴹⴰⴽⴰⵕⵏ ⴰⵙⴷⵓⵙ ⵏ ⵜⵡⵓⵔⵉ ⵜⴰⴳⵜⵉⴼⵓⵍⵉⵏ ⴳ ⵓⵙⴰⵜⵉ IAACAⴷ ⵓⵙⵓⵊⴷ ⵉ ⵓⴳⵔⴰⵡ ⵏⵏⵙ ⴰⵙⴳⵯⵙⴰⵏ ⴷ ⵓⴽⵜⵜⴰⵢ 20 ⵏ ⵓⵙⵔⵓⵙ ⵏⵏⵙ ⴳ ⵎⵕⵕⴰⴽⵛ ⵙⴳ 24 ⴰⵔ 26 ⵓⵏⵡⴰⵏⴱⵉⵔ 2026.