ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⴽⵕⴰⴹⵜ ⵜⵏⴱⴰⴹⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⴳⵏ ⵏ ⵢⵉⴳⵔ ⴰⵥⵕⴼⴰⵏ ⴷ ⵓⵎⴰⵜⵔ ⵏⵏⵙ, ⵍⵍⵉ ⵉⴳⴰⵏ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⵎⵖⵔⵉⴱⵉ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ ⴷ ⵓⴳⵔⴰⵡ ⵏ ⵓⵎⴰⵜⵔ ⴷ  ⵓⵖⴹⴰⴼ ⴰⵏⴰⵎⵓⵏ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵜⴰⵙⵎⵓⵏⵉ ⵏⵏⵙ ⵜⴰⵙⴳⵙⴰⵏⵜ ⴳ ⵓⵙⴰⵜⵉ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵜⵎⵢⴰⵇⴰⵏⵜ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵢⵉⴳⵔ ⵏ ⵓⵥⵕⴼ, ⵍⵍⵉ ⵉⵜⵜⵓⵙⴳⵎⴰⴹⵏ ⴳ ⵏⵓⵡⴰⵏⴱⵉⵔ 2019. 

ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵏ ⵓⵣⵎⵣⵣⵓ ⵉ ⵓⴼⵙⴰⵔ ⵏ ⵜⵏⴰⵟⵟⵓⴼⵜ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⴳ ⵓⵣⵎⵣ 2026-2025, ⴷ ⵓⵙⵖⵣⵏ ⵏ ⵜⴽⴰⵕⴹⴰ ⵏ ⵓⵖⴰⵔⴰⵙ ⵏ ⵓⵣⵎⵣ 2028-2027. ⵉⴽⵍⵍⵉ ⵉⴳⴰ ⵢⴰⵜ ⵜⵎⵍⴷⴰ ⵉ ⵓⵎⴹⴰⴽⴰⵕ ⵏ ⵉⵎⴰⵢⵏⵓⵜⵏ ⴷ ⵜⵣⵣⵉⴳⵣⵜ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ. 

ⵉⵜⵜⵡⴰⵙⵙⴰⵏ ⵓⵣⵎⵣ 2026-2025 ⵙ ⵓⵣⵣⴳⵉⵔ ⵏ ⵜⴼⵓⵍⵉⵏ ⵜⵉⵎⵏⵜⴰⵢⵉ ⵉ ⵢⴰⵜ ⵜⴳⵔⵓⵎⵎⴰ ⵏ ⵉⵎⵓⵙⵙⵓⵜⵏ ⵉⵡⴰⵜⵙⵏ ⴰⵙⴷⵓⵙ ⵏ ⵜⴷⵉⵏⴰⵎⵉⵜ ⵜⴰⵣⵓⵏⴰⵏⵜ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ. ⵢⵉⵏⵉ ⵎⴰⵙ ⴷ ⵉⵎⵓⵙⵙⵓⵜⵏ ⴰⴷ ⵓⵎⴰⵏ, ⴰⵙⵏⵎⴰⵍⴰ ⵏ ⵜⵙⵓⵜⴰⵍ ⵏ ⵓⵙⵎⵓⵜⵜⴳ ⴷ ⵜⵉⵏ ⵓⵙⴼⵔⴽ ⵍⵍⵉⵖ ⵉⵙⴱⵖⵔ ⵓⴳⴳⴰⵔ ⵏ 900 ⵏ ⵓⵎⵙⵖⴰⵏ ⵙⴳ ⵜⵎⵔⵙⴰⵍ ⵍⵍⵉ ⵉⵙⴳⵎⴹⵏ ⵜⴰⵎⵢⴰⵇⴰⵏⵜ, ⵉⴽⵍⵍⵉ ⵉⵍⵍⴰ ⵓⵍⴰ ⵓⵙⴷⵓⵙ ⵏ ⵜⴷⵔⴰⵡⵜ ⴰⴽⴷ ⵜⵎⵔⵙⵍⵜ ⵜⴰⵎⵖⵔⵉⴱⵉⵜ ⵏ ⵜⴷⵍⵙⴰ ⵜⴰⵥⵕⴼⴰⵏⵜ ⵙ ⵓⵡⵜⵜⴰⵙ ⵏ ⵓⵙⴱⵓⵖⵍⵓ ⵏ ⵜⵙⵓⴳⴰⵔ ⵏ ⵉⴼⵔⴷⵉⵙⵏ ⵏⵏⵙ ⴳ ⵢⵉⴳⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ. 

ⵉⴽⵍⵍⵉ ⵣⵣⵓⴳⴰⵣⵏⵜ ⵉⵥⵎⵎⵓⵥⵥⴰⵍ ⴳ ⵓⵎⵔⴰⵔⴰ ⵏ ⵜⵔⵎⵉⵜⵉⵏ ⴷ ⵓⵣⵓⵣⵣⵔ ⵏ ⵜⵎⵙⴽⴰⵔ ⵜⵉⵎⵓⴼⴰⵢⵉⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵙⵍⴰⵡⴰⵏ ⴰⴽⴽⵯ ⵙⴳ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵓⵏⵎⵓⵇⵇⴰⵔ ⵏ ⵉⴳⵔⴰⵡⵏ ⵢⵓⵎⵥⵏ ⴰⵙⵍⴽⵉⵏ ⵏ ⵓⵎⵙⴰⵙⴰ ⵉ ⵓⵍⵓⴳⵏ ⴰⴳⵔⴰⵖⵍⴰⵏ (ISO 37001), ⵍⵍⵉⵖ ⵉⴷⵔⴰ 70 ⵏ ⵓⵎⵙⵜⴳⴰⵔ ⴷ ⵓⵙⴰⵜⵉ ⵉⵙⵎⴷⵢⴰⵏ 40 ⵏ ⵓⴳⵔⴰⵡ ⴷ ⵜⵎⵔⵙⵍⵜ ⵙⴳ ⵙⵉⵏ ⵢⵉⴳⵔⴰⵏ ⴰⵥⵕⴼⴰⵏ ⴷ ⵡⴰⵔ ⴰⵥⵕⴼⴰⵏ. 

ⴰⵔ ⵜⵎⵎⴰⵍ ⵜⴷⵔⴰⵡⵜ ⵏ ⵙⵉⵏ ⵢⵉⴳⵔⴰⵏ ⴰⴷ, ⴰⴱⵓⵖⵍⵓ ⵏ ⵓⵍⵜⴰⵖ ⵏ ⵢⵉⴳⵔ ⵡⴰⵔ ⴰⵥⵕⴼⴰⵏ, ⴷ ⵓⴷⵔⵉⵣ ⵓⵎⵏⵉⴳ ⵏ ⵜⴷⵉⵏⴰⵎⵉⵜ ⴰⴷ ⴷ ⵜⵣⵣⵉⴳⵣⵜ ⵏ ⵓⵥⵏⵥⵕ ⵏⵏⵙ ⵙ ⵎⴰⴷ ⵉⵣⵔⵉⵏ ⵉⴳⵔ ⴰⵥⵕⴼⴰⵏ. ⵉⴽⵍⵍⵉ ⵜⴼⴰⵡ ⵜⵎⵔⵉⵙⵜ ⴰⴷ ⴳ ⵓⵎⵔⴰⵔⴰ ⵏ ⵜⵔⵎⵉⵜⵉⵏ, ⵙⴳ ⵜⴷⵔⴰⵡⵜ ⵉⵕⵡⴰⵏ ⵏ ⴽⴽⵓⵥⵜ ⵜⵎⵔⵙⴰⵍ ⵉⵙⴳⵎⴹⵏ ⵜⴰⵎⵢⴰⵇⴰⵏⵜ ⴳ ⵎⵏⵏⴰⵡ ⵏ ⵉⵏⵎⵓⵇⵇⴰⵔⵏ ⵙⴳ ⵉⵏⵎⵓⵇⵇⴰⵔⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏ ⵉⵜⵜⴰⵡⵥⵍⴰⵢⵏ ⵉ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ.  

ⴳ ⵜⴰⵎⴰ ⵏ ⵎⴰⵢⴰⴷ, ⵙⵓⵍⵏⵜ ⴽⵕⴰⴹⵜ ⵜⵏⴱⴰⴹⵉⵏ ⵜⵉⵥⵕⴼⴰⵏⵉⵏ ⵙ ⵓⵣⴷⴷⵓⵢ ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵜⵉⵡⵓⵔⵉⵡⵉⵏ ⵏⵏⵙⵏⵜ ⵉⵡⴰⵜⵙⵏ ⴰⵙⵓⵜⴳ ⵏ ⵉⵎⵉⵣⴰⵏ ⵏ ⵓⴳⵓⴼⵙⵓ ⴳ ⵓⴳⵯⵏⵙ ⵏ ⵓⵏⴳⵔⴰⵡ ⴰⵥⵕⴼⴰⵏ ⴷ ⵓⵙⵔⵓⵙ ⵏ ⵉⵙⵓⵜⴰ ⵍⵍⵉ ⵔⴰⴷ ⵜ ⵉⵙⴱⴷⴷ. ⵙ ⵎⴰⴷ ⵉⵥⵍⵉⵏ ⵙ ⵜⴳⴰⵕⴹⴰ ⵏ ⵓⵖⴰⵔⴰⵙ ⵏ 2028-2027, ⵏⵜⵜⴰⵜ ⵜⵡⴰⵜⵙ ⴰⵙⴷⵓⵙ ⵏ ⵜⵙⵓⴳⴰⵔ ⴷ ⵓⵙⵙⴷⵔⵓ ⵏ ⵜⴷⵍⵙⴰ ⵏ ⵜⵣⴷⴳⵉ ⴳ ⵢⵉⴳⵔ, ⵙ ⵜⵖⴰⵔⴰⵙⵜ ⵏ ⵓⵙⵓⴼⵖ ⵏ ⴽⵔⴰ ⵏ ⵉⵎⴰⵏⴰⵔⵏ ⴷ ⵓⵙⵏⵎⴰⵍⴰ ⵏ ⵜⵙⵓⵜⴰⵍ ⵏ ⵓⵙⵎⵓⵜⵜⴳ ⴷ ⵓⵙⵉⴳⵜ ⵏ ⵓⵎⵔⴰⵔⴰ ⵏ ⵜⵔⵎⵉⵜⵉⵏ ⴷ ⵜⵎⵙⴽⴰⵔ ⵜⵉⵎⵓⴼⴰⵢⵉⵏ. ⵉⴽⵍⵍⵉ ⵜⴼⴽⴰ ⵢⴰⵜ ⵜⵏⴼⵔⴰⵔⵜ ⵉⵥⵍⵉⵏ ⵉ ⵓⵣⵣⴳⵉⵔ ⵏ ⵜⵡⵏⴰⵖⵉⵏ ⵏ ⵜⵡⵓⵔⵉ ⵍⵍⵉ ⴷ ⵉⴼⴼⵓⵖⵏ ⵅⴼ ⵜⴽⴰⵕⴹⵉⵡⵉⵏ ⵏ ⵓⴳⵓⴼⵙⵓ ⴷ ⵓⵙⴱⵓⵖⵍⵓ ⵏ ⵜⴷⵔⴰⵡⵉⵏ ⴰⴽⴷ ⵡⴰⵎⵎⴰⵙⵏ ⵉⴽⴰⴷⵉⵎⵉⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⵜⵎⵔⵙⴰⵍ ⵜⵉⵏⴳⴳⵯⴰ ⴳ ⵓⵙⵡⵉⵔ ⴰⴳⵔⴰⵖⵍⴰⵏ. ⵉⴽⵍⵍⵉ ⵉⴱⴷⵔ ⵓⵍⵖⵓ ⵎⴰⵙ ⴷ ⵉⵥⴹⴰⵕ ⴰⴷ ⵢⴰⵎⵥ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵓⵙⴳⴳⵯⴰⵙ 2027, ⴰⵙⵍⴽⵉⵏ ⵏ ⵓⵎⵙⴰⵙⴰ ⵉ ⵓⵍⵓⴳⵏ ⴰⴳⵔⴰⵖⵍⴰⵏ (ISO 37001) ⵉⵥⵍⵉⵏ ⵙ ⵓⵏⴳⵔⴰⵡ ⵏ ⵜⵎⵙⵙⵓⴳⵓⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ. 

ⴳ ⵜⴳⵉⵔⴰ ⵏ ⵜⵙⵎⵓⵏⵉ ⴰⴷ, ⵙⴷⴷⵉⴷⵏⵜ ⴽⴽⵓⵥⵜ ⵜⵎⵔⵙⴰⵍⵜ ⵅⴼ ⵜⵉⵔⴰⵜ ⵏⵏⵙ ⴰⴷ ⵣⵣⵉⴳⵣⵏⵜ ⴳ ⵓⵎⵢⴰⵡⴰⵙ ⵏⵏⵙⵏⵜ ⴷ ⵓⵙⴷⵔⵓ ⵏⵏⵙ ⴳ ⵢⴳⵉⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵢⵉⴳⵔ ⴰⵥⵕⴼⴰⵏ. ⵉⴽⵍⵍⵉ ⵙⴷⴷⵉⴷⵏⵜ ⵜⵉⴽⵍⵍⵜ ⵢⴰⴹⵏⵉⵏ ⵅⴼ ⵜⵎⵔⵉⵙⵜ ⵏⵏⵙⵏⵜ ⵜⴰⵎⴰⵣⴰⵔⵜ ⵙ ⵓⴱⵣⴰⵔ ⵉⵥⵡⴰⵏ ⴳ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ ⵉⵜⵜⵓⴳⴰⵏ ⴳ ⵢⵉⴳⵔ ⴰⴷ, ⵙⵍⴰⵡⴰⵏ ⴰⴽⴽⵯ ⵙⴳ ⵓⵎⵔⴰⵔⴰ ⵏ ⵜⵔⵎⵉⵜⵉⵏ ⴷ ⵓⵙⴱⵓⵖⵍⵓ ⵏ ⵜⵙⵏⵜⴰⵢⵉⵏ ⵜⵉⵎⴰⵣⴰⵔⵉⵏ ⵍⵍⵉ ⵔⴰⴷ ⵉⴳ ⵢⴰⵏ ⵓⵎⴰⵏⴰⵔ ⵉ ⵉⴳⵔⴰⵏ ⵢⴰⴹⵏⵉⵏ.