ⴳ ⵜⵙⴳⴰ ⵏ ⵜⴷⵔⴰⵡⵜ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⵚⴹⵉⵎⵔⴰⵡⵜ ⴷ ⵙⵉⵏ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⵓⵏⵏ ⵉⵜⵜⵡⴰⴳⴳⵏ ⴳ ⵊⵓⵏⵉⴼ, ⵉⵙⴽⵔ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵜⵙⵎⵉⵔⵉⵜ ⵉⵎⵓⵏⵏ ⵉⴷⵙ ⵢⴰⵏ ⵓⵏⵎⵓⵇⵇⴰⵔ ⵏ ⵜⵡⵓⵔⵉ ⴰⴽⴷ ⵎⴰⵙⵙⴰ ⵎⵓⵏⵢⴰ ⵎⴱⴰⴽⵉ, ⵜⴰⵏⵎⵀⴰⵍⵜ ⵜⴰⵎⵣⵣⴳⴰⵔⵜ ⵏ ⵜⵎⴰⴷⴷⴰⵙⵜ UPR Info.

ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵣⵎⵣⵣⵓ ⵏ ⵓⵎⵔⴰⵔⴰ ⵏ ⵜⵏⵏⴰⵢⵉⵏ ⵅⴼ ⵡⴰⵎⵎⴰⴽ ⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴳⵔ ⵉⴳⵎⴰⵎⵏ, ⴷ ⵓⵙⵔⵓⵙ ⵏ ⵜⴼⵉⵔⴰⵙ ⵏ ⵓⵖⴰⵡⴰⵙ ⵏ ⵓⴱⵔⵉⴷ ⴰⵎⵙⴽⴰⵔ ⵍⵍⵉ ⵔⴰⴷ ⵉⵙⴷⵓⵙ ⴰⵎⵢⵡⴰⵙ ⴳⵔⴰⵙⵏ ⴳ ⵢⵉⴳⵔⴰⵏ ⵏⵏⴰ ⴳ ⵙⵡⵓⵔⵉⵏ ⵅⴼ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ ⵉⵇⵇⵏⵏ ⵖⵔ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵡⵉⴷ ⵉⵜⵜⵓⵎⴳⴳⵍⵏ ⵙ ⵓⴼⵔⴰⴳ ⵉ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⵏⵜⵉ ⵙⴳ ⵓⵙⵍⴽⵏ ⵉⵜⵜⴳⵓⴷⵓⵢⵏ ⵍⵍⵉⴳ ⵉⵍⵍⴰ ⵓⵎⵢⴰⵙⵙⴰ ⵉⴷⵓⵙⵏ ⴳⵔ ⵓⵙⵔⵓⵙ ⵏ ⵜⵣⴷⴳⵉ ⴷ ⵓⴹⴰⴽⴰⵍ ⵏ ⵓⵎⵔⵔⴻⵔ ⵙ ⵉⵣⵔⴼⴰⵏ ⴷ ⵜⴷⵔⴼⵉⵏ.

ⴳ ⵓⵙⴰⵜⵉ ⴰⴷ, ⵎⵙⴰⵙⴰⵏ ⵉⴳⵎⴰⵎⵏ ⵙ ⵙⵉⵏ ⵅⴼ ⵓⵎⵢⴰⵡⴰⵙ ⴰⵎⴳⵔⵓ ⴳ ⵓⵙⵡⵓⵔⵉ ⵅⴼ ⵜⵓⵏⵖⵉⵍⵜ ⵜⴰⵄⵕⴰⴱⵜ ⵙⴳ ⵓⵎⴰⵏⴰⵔ ⵉⵣⴷⵉⵏ ⴷ ⵜⴱⵣⴰⵔⵜ ⵉⵕⵡⴰⵏ ⴳ ⵓⵎⵉⴽⴰⵏⵉⵣⵎ ⵏ ⵓⵣⵣⵔⴰⵢ ⴰⵣⵎⵣⴰⵏ ⴰⵏⵎⴷⵓ, ⵍⵍⵉ ⵉⴷⴷⴰⵏ ⵖⵔ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ ⵏⵏⵉ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵙ ⵓⵢⵏⵏⴰ ⵉⵜⵜⴰⵡⵙⵏ ⴳ ⵓⵙⵅⵉⵜⵔ ⵏ ⵓⵍⵜⴰⵖ ⵏ ⵉⵎⵙⴽⴰⵔⵏ ⵓⵖⵔⵉⵎⵏ ⴷ ⵓⵙⴷⵓⵙ ⵏ ⵜⴱⵣⴰⵔⵉⵏ ⵏⵏⵙⵏ ⴳ ⵉⵎⴰⵙⵙⵏ ⵏ ⵜⵉⴹⴰⴼ ⴷ ⵜⴹⴼⵕⵉ ⵜⴰⵎⵜⵜⵉⵢⵜ.

ⵓⵡⵉⵏⴷ ⵉⵎⵙⴳⴷⴰⵍⵏ ⵜⴰⵥⴹⴰⵕⵜ ⵏ ⵓⵙⴱⵓⵖⵍⵓ ⵏ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⴷ ⵜⵙⵏⵜⴰⵢⵉⵏ ⵏ ⵜⵓⵚⴽⴰ ⵏ ⵜⵣⵎⵎⴰⵔ ⴳ ⵢⵉⴳⵔ ⵏ ⵓⴳⵓⴼⵙⵓ ⴷ ⵡⵉⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⵜⵜⵡⴰⴷⴰⵙⵏ ⵜⵉⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴷⵖⵔⴰⵏ, ⵙ ⵓⵢⵏⵏⴰ ⵉⵜⵜⵏⴰⵍⵏ ⴰⴼⵙⴰⵔ ⵏ ⵜⵓⵙⵙⵏⴰ, ⵉⵙⴷⵓⵙ ⵜⵉⵙⵓⴳⴰⵔ ⴳ ⵢⵉⴳⵔⴰⵏ ⴳ ⵍⵍⴰⵏ ⵉⵡⵜⵜⴰⵏ ⵉⵎⴰⵣⴰⵔⵏ.

ⵜⴳⴰ ⵜⵎⴰⴷⴷⴰⵙⵜ UPR Info ⵙⴳ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵜⴰⵔⵓⵏⴱⵉⴹⵉⵏ ⵜⴰⵔ ⴰⵡⵜⵜⴰⵙ ⵓⵔⵔⵉⵣ ⵉⵥⵍⵉⵏ ⴳ ⵡⴰⵏⵏⴰⵍ ⵏ ⵓⵎⵉⴽⴰⵏⵉⵣⵎ ⵏ ⵓⵣⵣⵔⴰⵢ ⴰⵣⵎⵣⴰⵏ ⴰⵏⵎⴷⵓ, ⵎⵉⵏⵣⵉ ⴰⵔ ⵜⴻⵜⵜⴼⵍⴰⵥ ⵙ ⵡⴰⴷⴷⴰⴷ ⵏ ⵓⵎⵛⴰⵡⴰⵕ ⵉⵎⵥⵍⵉ ⵙⴳ ⴷⴰⵔ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⵏ ⵜⵎⵜⵜⴰ ⵉⵎⵓⵏⵏ, ⴰⵔ ⵜⵙⵡⵓⵔⵉ ⵅⴼ ⵓⵙⴷⵓⵙ ⵏ ⵜⵙⵓⵙⵖⵜ ⴷ ⵡⴰⴷⴰⴼ ⵖⵔ ⵡⵓⵎⵍⴰⵏ ⴷ ⵉⵙⵖⵍⴰⴼ ⴷ ⵉⴼⴼⵓⵖⵏ ⴳ ⵓⵙⴰⵜⵉ ⵏ ⵓⵎⵉⴽⴰⵏⵉⵣⵎ ⴰⴷ, ⵙ ⵉⵎⴰⵙⵙⵏ ⴷ ⵉⵍⵓⴳⵏⵏ ⵏ ⵜⵎⵓⵛⴰ ⵉⵏⵏⵓⵕⵥⵎⵏ ⵉ ⵎⴰⵕⵕⴰ ⵉⵎⵙⴽⴰⵔⵏ ⴷ ⵜⵎⵔⵙⴰⵍ ⵜⵉⵎⵏⵜⴰⵢⵉⵏ.