ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵏⵓⴱⴳ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⵎⴰⵙⵙ ⴰⵃⵎⴰⴷ ⵍⵄⵎⵓⵎⵔⵉ, ⴰⵙⵙ ⵏ ⵓⴽⵡⴰⵙ 16 ⴽⵟⵓⴱⵕ 2025, ⵢⴰⵏ ⵓⴽⴰⴱⴰⵕ ⵏ ⵓⵙⵡⵉⵔ ⵢⴰⵜⵜⵓⵢⵏ ⵙⴳ ⴱⵓⵔⵓⵏⴷⵉ, ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵉⴳⵔ ⵏ ⵓⴳⵏⵙⵓ ⴷ ⵜⵉⴳⵎⵉ ⵜⴰⵏⴰⵎⵓⵏⵜ ⴳ ⵜⵎⴰⵡⴰⵙⵜ ⵏ ⵓⴳⵏⵙⵓ ⴷ ⵜⵉⴳⵎⵉ ⵜⴰⵏⴰⵎⵓⵏⵜⵜ ⴷ ⵜⵏⴼⵔⵓⵜ ⵜⴰⴳⴷⵓⴷⴰⵏⵜ ⵏ ⴱⵓⵔⵓⵏⴷⵉ, ⴰⵎⵎⴰⵙ ⵏ ⵢⴰⵏ ⵓⵔⵣⴰⴼ ⵏ ⵜⵖⵓⵔⵉ ⴷ ⵓⵙⵏⴼⵍ ⵏ ⵉⵔⵉⵎⵏ.
ⵜⵓⵛⴽⴰⴷ ⵜⵔⵣⵣⵉⴼⵜ ⴰⴷ ⵖ ⵓⵙⴰⵜⵉ ⵏ ⵓⵖⴰⵡⴰⵙ ⵉⵙⵎⵓⵏⵏ ⵜⵓⴳⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ, ⵜⵔⴰ ⵜⵔⵣⵣⵉⴼⵜ ⴰⴷ ⵓⵍⴰ ⴰⵙⵙⴰⴳⵯ ⴼ ⵜⵉⵔⵎⵜ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵜⴰⵔⵜⵉⵏⵏⵓⵎⵙⴰ ⵜⴰⵎⵙⵙⵓⴳⵓⵔⵜ ⴳ ⵜⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ, ⴷ ⵜⵔⵣⵣⵓ ⴳ ⵓⵙⴱⵓⵖⵍⵓ ⴳ ⵉⴳⵔ ⵏ ⵓⵙⴳⴳⴷ ⵉⵣⴷⵉⵏ ⴷ ⵜⵖⴰⵔⵉⵡⵉⵏ ⴷ ⵜⵣⴷⴳⵉ ⵜⴰⴳⴷⵓⴷⴰⵏⵜ, ⵏⵏⴰ ⵉⴳⴰⵏ ⴰⵎⵎⴰⵙ ⵏ ⵉⵎⴹⴰⴽⴰⵕⵏ ⴷ ⵓⴳⵔⴰⵡ.
ⴳ ⵜⵉⵣⵡⵓⵔⴰ ⵏ ⵓⵎⴰⴳⵔ ⴰⴷ, ⵉⵙⵏⵓⴱⴳ ⵎⴰⵙⵙ ⴰⵏⴼⵍⵓⵙ ⴰⴱⵓⵔⵓⵏⴷⵉ, ⴷ ⵉⵙⵎⵖⵔ ⵜⵓⵇⵇⵏⵉⵏ ⵉⵅⴰⵜⴰⵔⵏ ⵉⵍⵍⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴱⵓⵔⵓⵏⴷⵉ, ⵓⵍⴰ ⵉⵎⵏⵉⴷⵏ ⵏ ⵓⵎⵢⴰⵡⴰⵙ ⴳⵔ ⵙⵏⴰⵜ ⵏ ⵜⵎⵉⵣⴰⵔ ⴳ ⵉⴳⵔ ⵏ ⵜⵏⵓⴱⴹⴰ ⴷ ⵜⵣⴷⴳⵉ ⵜⴰⴳⴷⵓⴷⴰⵏⵜ.
ⵖⵉⴽⵍⵍⵉ ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⴱⵓⵔⵓⵏⴷⵉ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵉⴳⵔ ⴰⴷ, ⴷ ⵉⵙⵎⵖⵔ ⵜⵉⵢⴰⴼⵓⵜⵉⵏ ⵉⵜⵜⵓⵙⴽⴰⵔⵏ ⴳ ⵉⴳⵔ ⵏ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ. ⵉⵎⵍⴰ ⴰⵡⴷ ⵜⵉⵔⴰⵜ ⵏⵏⵙ ⴰⴷ ⵉⵙⵙⴷⵓⵙ ⵓⵎⵢⴰⵡⴰⵙ ⴳⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⴰⴷ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
23/09/2026
ⵜⵙⴷⴷⵉⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⴳ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⴷⴷⴰⵡⵃⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵓⵜⵜⵉ ⴰⵎⴰⵏⴰⵡ ⴳ ⵜⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵣⴰⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⴱⴷⴷⵏ ⵅⴼ ⵓⵙⵎⵀⵍ ⵏ ⵜⵎⵔⵉⵙⵉⵏ ⴷ …
10/09/2026
ⵉⵎⴹⴰⴽⴰⵕⵏ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ.ⵉ ⵉⴼⵔⵓⵔⵉⵜⵏ ⵢⴰⴹⵏⵉⵏ ⴰⴳⴳⵯⴰⵜ ⵏⵏ ⴰⵎⵏⵏⵉ ⵉⵜⵜⵓⴼⵙⴰⵔⵏ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵉⵔⴰ ⵏ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ ⴳ ⵜⵖⵓⵏⵉ ⴰ…
09/09/2026
ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⴷⴰⵏⵉ ⵡⵓ, ⴰⵏⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⴰⵙⵙ ⵏ 8 ⵛⵓⵜⴰⵏⴱⵉⵔ 2026, ⵢⴰⵜ ⵜⵓⵏⵏⵉⴹⵜ …