ⵉⴷⵔⴰ ⵓⵏⵙⵙⵉⵅⴼ ⵏ ‎ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ,  ⴳ ⵜⵡⵓⵔⵉⵡⵉⵏ ⵏ ⵜⵙⵎⵓⵏⵉ ⵜⴰⵙⴳⴳⵯⵙⴰⵏⵜ  ⵜⴰⵎⴰⵜⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵥⵟⵟⴰ  “ⵎⵉⵏⴰ-ⴰⵔⵉⵏ” (MENA-AREN), ⵍⵍⵉ ⵢⵎⵓⵏ ⴳ ⵜⵎⴷⵉⵏⵜ ⵏ ⵊⴷⴷⴰ ⴳ ⵜⴳⵍⴷⵉⵜ ⵏ ⵙⵙⴰⵄⵓⴷⵢⵢⴰ, ⴳ ⵡⵓⵙⵙⴰⵏ ⵏ 8 ⴷ 9 ⴽⵟⵓⴱⵕ 2025, ⵙ ⵜⵎⴷⵔⴰⵡⵜ ⵏ ⵎⵏⵏⴰⵡ ⵏ ⵉⵎⴰⵡⵙⴰⵙⵏ ⵏ ⵜⵣⵔⴼⵜ ⴷ ⵉⵏⵙⵙⵉⵅⴼⵏ ⵏ ⵜⵙⵏⵓⵔⴰⵢⵉⵏ ⵜⵉⴳⴷⵓⴷⴰⵏⵉⵏ ⴷ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⵙⴰⵍⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵉⴷⵖⵔⴰⵏⵉⵏ.

ⴳ ⵜⴳⵓⵔⵉ ⵏⵏⵙ ⴳ ⵓⵏⵎⵓⵇⵇⴰⵔ ⴰⴷ, ⵉⵙⴷⴷⵉⴷ ⵓⵏⵙⵙⵉⵡⴼ ⵎⴰⵙ ⵉⴳⴰ ⵓⵎⴰⴳⵔ ⴰⴷ ⴰⵣⵎⵣⵣⵓ ⵏ ⵜⵣⵎⵎⴰⵔ ⵏ ⵜⵎⵉⵣⴰⵔ ⵜⵉⵎⴷⵔⴰⵡⵉⵏ ⴳ ⵓⵙⵙⴷⵓⵙ ⵏ ⵜⵣⵔⴼⵜ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵙⴷⴷⵉⴷ ⵎⴰⵙ ⴷ ⴰⵙⵡⵓⵔⵔⵉ ⵏ ⵓⵥⵕⴼ ⵉⵜⵜⵢⴰⴽⴰⵔⵏ, ⵓⵔ ⵉⴳⴰ ⵖⴰⵙ ⵜⴰⵎⴳⴳⵉⵜ ⵜⴰⵥⵕⴼⴰⵏⵜ, ⵎⴰⵛ ⵉⴳⴰ ⴰⵙⵙⴷⵓⵙ ⵏ ⵜⵣⵔⴼⵜ ⵏ ⵜⵎⵔⵙⴰⵍ, ⴷ ⵖⵉⴽⵍⵍⵉ ⵉⴳⴰ ⴰⵙⵓⵎⵓ ⵏ ⵉⵖⵔⴼⴰⵏ ⵏⵏⴰ ⵉⵖⴱⵏ ⵖ ⵉⵙⵓⴳⴰⵎ ⵏⵏⵙⵏ ⵉⴷⴷⵖ ⵏ ⵓⵙⴳⵓⴼⵙⵓ.

ⵉⵙⴷⴷⵉⴷ ⵓⵍⴰ ⵜⵉⵔⴰⵜ ⵏ ⵓⴳⵔⴰⵡ ⴰⵏⴰⵎⵓⵔⵜ ⵏ ⵜⵣⴷⴳⵉ ⵖ ⵜⴷⵔⴰⵡⵜ ⴳ ⵜⵏⵙⵙⵉⵅⴼⵜ ⵏ ⵜⵉⵙⵏⵜⴰⵢⵉⵏ ⵜⵉⵎⴰⵜⵜⴰⵢⵉⵏ ⴳ ⵓⴳⵏⵙⵓ ⵏ ⵓⵥⵟⵟⴰ ⴰⴷ, ⵎⴰ ⵢⴰⴷ ⵉⵜⵜⴰⵊⵏ ⴰⵙⵡⵓⵔⵔⵉ ⵏ ⵉⵙⵓⴳⴰⵎ ⵢⴰⵏ ⵓⴱⵔⵉⴷ ⵏ ⵓⵃⵟⵟⵓ ⵏ ⵡⴰⵜⵉⴳⵏ ⵏ ⵓⴳⴰⴷⴰⵣ ⴰⵏⴰⵎⵓⵔ, ⴷ ⵓⵙⵙⵉⴷⴼ ⵏ ⵡⴰⵜⵉⴳⵏ ⵏ ⵜⵣⴷⴳⵉ, ⴰⵛⴽⵓ ⴰⵎⵏⵣⴰⵖ ⵎⴳⴰⵍ ⵏ ⵓⵙⴳⵓⴼⵙⵓ ⴷ ⵓⵡⵓⵔⵔⵉ ⵏ ⵉⴷⵔⵉⵎⵏ ⵉⵜⵜⵢⴰⴽⴰⵔⵏ ⵓⵔ ⵉⴳⵉ ⵖⴰⵙ ⴰⴼⴰⴷ ⵏ ⵓⵃⵟⵟⵓ ⵏ ⵉⵙⴱⵖⵓⵔⵏ ⵉⵎⵉⴽⴰⵏⵏ, ⵎⴰⵛ ⵉⴳⴰ ⴰⵃⵟⵟⵓ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵜⵣⵍⴰⵢⵜ ⴷ ⵓⵣⵔⴼ ⵏ ⵉⵏⴰⵎⵓⵔⵏ ⵖ ⵜⴳⵎⵉ. ⴰⴷ ⵏⵙⵙⴽⵜⵉ ⵎⴰⵙⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵔ ⵉⵙⵙⵉⵅⴼ ⴳ ⵜⵙⵎⵓⵏⵉ ⴰⴷ ⵢⴰⵏ ⵓⴽⴰⴱⴰⵕ ⵏ ⵉⵙⵎⴷⵢⴰⵏⵏ ⵏ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵎⴰⵜⴰⵢⵜ, ⴷ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵏⴱⴰⴹ ⴰⵏⴰⵎⵓⵔ ⵏ ⵓⵎⵍⵉ ⴰⵥⵕⴼⴰⵏ.