ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ 13 ⵎⴰⵕⵚ 2026, ⵙ ⵜⵎⴷⵔⴰⵡⵜ ⵏ ⵜⵎⵙⵎⵓⵏⵜ ⵏ ⵉⵎⵣⵡⵓⵔⴰ ⵏ ⵉⵄⵔⵔⵉⵎⵏ ⴷ ⵜⵎⵙⵎⵓⵏⵜ ⵏ ⵡⴰⵎⵓⵏ ⵓⴹⵓⴼ ⵏ ⵉⵄⵔⵔⵉⵎⵏ ⴳ ⵜⵉⴼⵍⵜ, ⵢⴰⵏ ⵓⵎⵙⴰⵙⴰ ⵏ ⵓⵎⵢⴰⵡⴰⴹ  ⵏ ⵉⵄⵔⵔⵉⵎⵏ, ⵏⵏⴰ ⵜⵙⵏⵓⴱⴳ ⵜⴰⴷⴷⴰⵔⵜ ⵏ ⵓⵏⴰⵎⵓⵔ ⴳ ⵜⵎⴷⵉⵏⵜ, ⴳ ⵓⵙⴰⵜⵉ ⵏ ⵓⵙⵏⵜⵉ ⵏ "ⵓⵎⵙⴰⵡⴰⵍ ⵏ ⵓⴳⵔⴰⵡ ⴷ ⵉⵄⵔⵔⵉⵎⵏ" ⴳ ⵓⵙⴰⵜⵉ ⵏ ⵓⵣⵣⴰⴳⵣ ⵏ ⵜⵙⵜⵔⴰⵜⵉⵊⵉⵜ ⵜⵉⵙⵙ ⵙⵎⵎⵓⵙⵜ ⵏ ⵓⵣⵎⵣ 2025-2030, ⵏⵏⴰ ⵉⵔⴰⵏ ⴰⴷ ⵉⵙⴷⵓⵙ ⵜⵓⵇⵇⵏⵉⵏ ⵜⵉⵔⵙⴰⵍⵉⵏ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵜⴰⵖⵔⵎⴰⵏⵜ, ⴷ ⵜⵉⵔⵎⵉⵡⵉⵏ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵢⴰⵡⴰⴹ ⵅⴼ ⵜⵖⴰⵡⵙⵉⵡⵉⵏ ⵏ ⵜⵣⴷⴳⵉ ⴷ ⵓⵃⵟⵟⵓ ⴷ ⵙⴳ ⵓⵙⴳⵓⴼⵙⵓ. 

ⵉⵔⴰ ⵓⵙⵖⵏⵉⵏ ⴰⴷ ⴰⴷ ⵉⵎⵍ ⵉ ⵉⵄⵔⵔⵉⵎⵏ  ⵜⵉⵥⵉⴹⵕⴰ ⴷ ⵜⵙⵎⵉⴳⴰⵍ  ⵏ ⵓⴳⵔⴰⵡ ⴷ ⵜⵉⵍⴰⵍ ⵏⵏⵙ ⴳ ⵢⵉⴳⵔ ⵏⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⴰⴷ ⵙⵙⵏⵏ ⵜⵉⴼⵔⴰⵙ ⵏ ⵓⵙⴳⵓⴼⵙⵓ ⴷ ⵜⵏⴰⴼⵓⵜⵉⵏ ⵏⵏⵙ ⵡⵛⵏⵏⵉⵏ ⵅⴼ ⵜⴳⵎⵉ ⴷ ⵜⵎⵓⵏⵉ ⵜⴰⵏⴰⵎⵓⵏⵜ, ⴷ ⴰⴷ ⵜⵏ ⵙⵙⵔⵇⴱⵏ ⴰⴷ ⴼⴽⵉⵏ ⵜⴰⵏⵏⴰⵢⵉⵏ ⴷ ⵉⵙⵓⵎⵔⵏ ⵏⵏⵙⵏ ⵅⴼ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵜⵏⴱⴰⴹⵜ ⵉⵖⵓⴷⴰⵏ. 

ⵉⴳⴰ ⵓⵎⴳⵔⴰⵡ ⴰⴷ ⴰⵣⵎⵣⵣⵓ ⵃⵎⴰ ⴰⴷ ⵜⵜⵓⵙⵎⵓⵜⵜⴳⵏ ⵜⴰⵏⵏⴰⵢⵉⵏ ⴷ ⵉⵙⵓⵎⵔⵏ ⵏ ⵉⵎⵥⵥⵢⴰⵏⵏ, ⴷ ⴰⴷ ⵜⵜⵓⵙⴽⴰⵔⵏⵜ ⵜⵙⵏⵜⴰⵢⵉⵏ ⴷ ⵜⵡⵏⴳⵉⵎⵉⵏ ⵍⵍⵉ ⵔⴰⴷ ⵙⵏⴼⵍⵏ ⴳ ⵉⵎⴰⵍ ⴳ ⵉⵖⴰⵡⴰⵙⵏ ⴷ ⵜⵙⵏⵜⴰⵢⵉⵏ ⵜⵉⵎⵙⴽⴰⵔⵉⵏ, ⵎⴰ ⵢⴰⴷ ⵉⵙⴷⵓⵙⵏ ⴰⵙⴱⵖⵔ ⴷ ⵓⵎⵢⴰⵡⴰⵙ ⵉⴼⵓⵍⴽⵉⵏ ⴳⵔ ⵜⵎⵔⵙⴰⵍ ⴷ ⵉⵎⵣⴷⴰⵖⵏ.