ⵜⵜⵓⵙⵜⴰⵢ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⴷ ⵉⴳ ⴰⴳⵎⴰⵎ ⴳ ⵓⴳⵔⴰⵡ ‎ⵓⴳⵔⴰⵡ ⵏ ⵓⵙⵎⵎⴰⵍ ⵏ ⵓⵥⵟⵟⴰ ⵏ ⵓⵙⵡⵓⵔⵔⵉ ⵏ ⵡⴰⵢⴷⴰⵜⵏ ⴳ ⵜⵎⵏⴰⴹⵜ ⵏ ⵍⵇⴱⵍⵜ ‎‎ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ‎, ⵙ ⴽⵕⴰⴹ ⵉⵙⴳⴳⵯⴰⵙⵏ ⵜⴰⵎⴰ ⵏ ⴽⵓ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵢⵢⴰ ⴷ ⵍⵉⵎⴰⵔⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ ⴷ ⵇⴰⵟⴰⵕ ⴷ ⵎⵉⵚⵕ ⴷ ⵍⵓⴱⵏⴰⵏ. 

ⵢⵓⵛⴽⴰⴷ ⵓⵙⵜⴰⵢ ⴰⴷ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵜⴰⵅⴰⵜⴰⵔⵜ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ ⴳ ⵓⴳⵔⴰⵡ ⵏ ⵓⵙⵏⵚⴱ ⵏ ⵓⵥⵟⵟⴰ ⴳ ⵊⴷⴷⴰ ⴳ ⵜⴳⵍⴷⵉⵜ ⵏ ⵙⵙⴰⵄⵓⴷⵢⵢⴰ ⴳ ⴽⵟⵓⴱⵕ ⵉⵣⵔⵉⵏ, ⵖⵉⴽⵍⵍⵉ ⵉⴳⴰ ⵢⵙⵜⴰⵢ ⴰⴷ ⴰⵙⵎⵖⵔ ⵏ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⴰⵏⵎⵏⴰⴹ. ⵔⴰⴷ ⵉⴼⴽ ⵓⵙⵜⴰⵢ ⴰⴷ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵏⵙⵙⵉⵅⴼⵜ ⵏ ⵓⵥⵟⵟⴰ ⴷ ⵓⵙⵏⵎⴰⵍⴰ ⵏ ⵜⵙⵎⵓⵏⵉ ⵜⴰⵎⴰⵜⴰⵢⵜ ⵜⴰⵙⴳⴳⵯⵙⴰⵏⵜ ⵏ 2028. 

ⵜⴳⴰ ⵜⵙⵇⵇⵉⵎⵜ ⵏ ⵓⵙⵎⵎⴰⵍ ⵏ ⵓⵥⵟⵟⴰ ⵏ MENA-ARIN ⵏ ⵓⵙⵡⵓⵔⵔⵉ ⵏ ⵡⴰⵢⴷⴰⵜⵏ, ⴳ ⵜⵎⵏⴰⴹⵜ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ, ⵢⴰⵏ ⵓⴳⵔⴰⵡ ⴰⵎⵙⵙⵓⴳⵓⵔ ⵏⵏⴰ ⵉⵡⴰⵍⴰⵏ ⵜⴰⵎⵙⵜⴳⴳⴰⵔⵜ ⵏ ⵓⵙⵎⵎⴰⵍ ⵏ ⵓⵙⵡⵓⵔⵉ ⵏ ⵓⵥⵟⵟⴰ ⴷ ⵓⵙⵡⵓⴷⴷⵉ ⵏ ⵜⵙⵎⵓⵏⵉ ⵏⵏⵙ ⵜⴰⵎⴰⵜⴰⵢⵜ ⵜⴰⵙⴳⴳⵯⵙⴰⵏⵜ, ⴷ ⵓⵃⵟⵟⵓ ⵏ ⵉⵡⵜⵜⴰⵙⵏ ⵏ ⵓⵥⵟⵟⴰ. ⵖⵉⴽⵍⵍⵉ ⵉⴳⴰ ⴳ ⵜⵡⵓⵔⵉⵡⵉⵏ ⵏⵏⵙ ⴰⵡⴷ ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵥⵟⵟⴰ, ⵉⵍⵍⴰ ⴳⵉⵙ ⵓⵎⵢⴰⵡⴰⴹ ⴰⴽⴷ ⵜⴰⵏⴼⵍⵓⵙ ⵜⴰⵎⴰⵜⴰⵢⵜ ⵅⴼ ⵓⵙⵎⵓⵜⵜⴳ ⵏ ⵜⵏⵖⵎⵉⵙⵉⵏ, ⵉⵣⴷⵉⵏ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⴳⴳⵯⴰⵙ, ⴷ ⵓⵏⵇⵇⵉⵙ ⴰⵙⴳⴳⵯⴰⵙⴰⵏ, ⴷ ⵓⵖⴰⵡⴰⵙ ⵏ ⵜⵙⵎⵓⵏⵉ ⵜⴰⵎⴰⵜⴰⵢⵜ, ⴷ ⵓⵣⵣⵔⴰⵢ ⴷ ⵓⵙⵎⵓⵜⵜⴳ ⵏ ⵉⵙⵓⵜⵓⵔⵏ ⵉ ⵡⴰⴷⴷⴰⴷ ⵏ ⵉⵎⵙⵜⴳⴳⴰⵔⵏ ⴳ ⵜⵙⵏⵓⵔⴰⵢⵜ, ⴷ ⵓⵙⵏⵎⴰⵍⴰ ⵏ ⵜⵉⵍⴰⵍ ⵏ ⵓⵙⴱⵓⵖⵍⵓ ⵏ ⵜⵉⵥⵉⴹⵕⴰ ⵏ ⵜⵓⵙⵙⵏⴰ ⵏ ⵉⴳⵎⴰⵎⵏ, ⵉⵍⵍⴰ ⴳⵉⵙ, ⴳ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵎⵓⵜⵜⴳ ⵏ ⵉⵙⴰⴳⵎⵏ.