ⵉⵙⵙⵉⵖⵥⵉⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⵏ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵡⴰⴼⵔⵉⵇⵢⴰ, ⵙ ⵡⴰⵡⴰⵍⵎⵓⵏ, ⴷⴳ ⵜⵙⵓⵜⵍⵜ ⵜⵉⵙ ⵜⴰⵎⵜ ⵉⵜⵜⵓⵢⴰⴳⴳⵏ ⴳ ⵜⵎⴷⵉⵏⵜ ⵏ ⵏⵉⵔⵓⴱⵉ ⴳ ⵜⴳⴷⵓⴷⴰ ⵏ ⴽⵉⵏⵢⴰ ⴰⵙⵙ ⵏ ⵓⴽⵕⴰⵙ 17 ⵢⵓⵏⵢⵓ 2026, ⵅⴼ ⵡⴰⴷⴰⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵏⴳⵔⴰⵡ ⴰⴷ ⴰⵎⵏⵥⴰⵡ ⴰⵎⵥⵍⴰⵢ.

ⵉⴷⴷⴰ ⴷ ⵡⴰⴷⴰⴼ ⴰⴷ ⵙ ⵓⵎⵙⴰⵙⴰ ⴰⴽⴷ ⵜⵎⵓⵖⵍⵉ ⵜⴰⴳⵍⴷⴰⵏⵜ ⵉⵙⴼⴰⵡⵏ ⵙⵉⵡⴰⵍⴰ ⴰⴼⵔⵉⵇⵢⴰ, ⵍⵍⵉ ⵉⴱⴷⴷⵏ ⵅⴼ ⵎⴰⵙ ⵉⴳⴰ ⵓⵎⵢⴰⵡⴰⵙ ⴰⴼⵔⵉⵇⵉ ⴰⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵜⵓⵚⴽⴰ ⵏ ⵉⵎⴰⵍ ⴰⵎⴰⵣⴰⵔ ⵉ ⵜⵎⵏⵥⴰⵡⵜ, ⴷ ⵅⴼ ⵓⵙⴷⵓⵙ ⵏ ⵜⴷⵔⴰⵡⵉⵏ ⵉⵄⵔⵎⵏ ⵙ ⵜⵡⵉⵙⵉ ⵉⵊⵔⵔⴷⵏ ⴷ ⵓⵎⵔⴰⵔⴰ ⵏ ⵜⵎⵓⵣⴰⵢ ⴷ ⵜⴰⵟⵟⵓⵜ ⵏ ⵜⵓⵙⵙⵏⵉⵡⵉⵏ ⴷ ⵜⵓⵚⴽⴰ ⵏ ⵜⵥⴹⴰⵕⵉⵏ. ⴳ ⵓⵙⴰⵜⵉ ⴰⴷ, ⴷⴰ ⵉⵜⵜⴳⴳⴰ ⵓⴳⵔⴰⵡ ⴰⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵙⴷⵓⵙ ⵏ ⵜⵣⴷⴳⵉ ⴷ ⵜⵏⵏⵓⴱⴹⴰ ⵉⵀⵢⵢⴰⵏ ⵙⴳ ⵜⵔⵙⴰⵍ ⵜⵉⴷⵙⵍⴰⵏⵉⵏ ⵏ ⵓⵙⵉⴷⴼ ⴰⴼⵔⵉⵇⵉ, ⴷ ⵓⵙⴷⵓⵙ ⵏ ⵜⵏⵏⵓⵣⵖⴰ ⵏ ⵜⴷⴰⵎⵙⵉⵡⵉⵏ ⵜⵉⵏⴰⵎⵓⵔⵉⵏ, ⴷ ⵓⵙⵔⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ, ⴷ ⵓⵙⵎⵙⴰⵙⴰ ⵏ ⵜⴼⴰⴷⵉⵡⵉⵏ ⵜⵉⴹⵓⵍⵍⴰ ⵉ ⵓⵍⴽⵓⵎ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵏⵎⴷⵓⵜ ⴳ ⵜⵎⵏⵥⴰⵡⵜ.

ⵉⴳⴰ ⵡⴰⴷⴰⴼ ⴰⴷ ⵢⴰⵏ ⵓⵥⵎⵎⵓⵥⵥⵍ ⴰⵎⵔⵏⵓ ⵍⵍⵉ ⵉⵙⴷⵓⵙⵏ ⵜⵉⵍⵉⵜ ⵏ ⵓⴳⵔⴰⵡ ⴰⵏⴰⵎⵓⵔ ⵊⴰⵊ ⵏ ⵓⵙⴰⵢⵔⴰⵔ ⴰⵎⵔⵙⴰⵍ ⴰⴼⵔⵉⵇⵉ ⵉⵇⵇⵏⵏ ⵖⵔ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⴳⵓⴼⵙⵓ, ⴷ ⵉⵙⵙⵉⵔⵉⵡⵏ ⵜⵉⵥⴹⴰⵕⵉⵏ ⵏ ⵓⵍⵜⴰⵖ ⵏⵏⵙ ⴳ ⵉⵥⴹⵡⴰⵏ ⵏ ⵓⵎⵢⴰⵡⴰⵙ ⴷ ⵓⵎⵔⴰⵔⴰ ⵏ ⵜⵓⵙⵙⵏⴰ ⴷ ⵜⵎⵓⵣⴰⵢ ⴳ ⵓⵙⵡⵉⵔ ⴰⵎⵏⵥⴰⵡ, ⵙ ⵓⵢⵏⵏⴰ ⵉⵜⵜⵏⴰⵍⵏ ⴰⵙⴱⵓⵖⵍⵓ ⵏ ⵜⵙⵔⵜⴰⵢ ⴷ ⵉⵎⴰⵙⵙⵏ ⵉⵣⵎⵔⵏ ⵉ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵉⵙⴷⵓⵙⵏ ⵜⴰⴱⵣⴰⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵓⴳⴳⴰⵙ ⵏ ⵡⴰⴼⵔⵉⵇⵢⴰ ⵉⵡⴰⵜⵜⵙⵏ ⴰⵙⵔⵓⵙ ⵏ ⵜⵏⴷⵉⵜⵉⵏ ⵏ ⵜⵙⵓⵙⵖⵜ ⴷ ⵓⵎⵥⵥⵏ ⵉ ⵓⵎⵉⴹⴰⵏ ⴷ ⵜⵣⴷⴳⵉ.

ⴷⴳ ⵜⴷⵔⴰⵡⵜ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⴰⵢ, ⵉⵙⴷⴷⵉⴷ ⵓⴳⵔⴰⵡ ⵎⴰⵙ ⵓⵔ ⵙⵓⵍ ⵉⴳⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⴰⵙⵜⴰⵢ ⴰⵎⵔⵙⴰⵍ ⵀⵉⵍ, ⵎⴰⵛⵛ ⵉⴷⵡⵍ ⴷ ⵜⴰⴹⵓⵍⵍⵉⵜ ⵍⵍⵉ ⵜⵣⵛⵛⵓⵍ ⵜⵎⴰⵎⴽⵜ ⵜⵓⵏⴼⵉⵍⵜ ⵏ ⵉⴱⴽⴽⵉⴹⵏ ⵏ ⵓⴳⵓⴼⵙⵓ ⴷ ⵉⵔⵡⴰⵢⵏ ⵏⵏⵙ ⵉⵜⵜⴳⵓⴷⵓⵢⵏ ⴷ ⵉⵎⴷⵢⴰⵜⵏ ⵏⵏⵙ ⵉⵣⵔⵉⵏ ⵉⵡⵜⵜⴰ, ⴰⵢⵍⵍⵉ ⵉⵙⴱⵣⵣⵉⵣⵏ ⴰⵙⴱⵓⵖⵍⵓ ⵏ ⵉⵎⴰⵙⵙⵏ ⵉⵙⵎⴷⵏ ⵓⴳⴳⴰⵔ ⵉ ⵓⵎⵔⴰⵔⴰ ⵏ ⵜⵎⵓⵣⴰⵢ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⴷ ⵓⵎⵔⵙⴰⵍ, ⴷ ⵜⵓⵚⴽⴰ ⵏ ⵜⵎⵢⴰⴷⴰⵙⵉⵏ ⵜⵉⵎⴳⵔⴰ ⵉⵖⵉⵢⵏ ⴰⴷ ⵙⴰⵜⵜⵓⵢⵏⵜ ⵜⵉⵕⵡⵉ ⵏ ⵜⵓⴳⴳⴰⵙ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

ⵙ ⵜⵎⵍⴷⴰ ⴰⴷ, ⵉⵙⵎⴰⵢⵏⵓ ⵓⴳⵔⴰⵡ ⵜⴰⵎⵔⵉⵙⵜ ⵏⵏⵙ ⴳ ⵜⴱⵣⴰⵔⵜ ⵉⵀⵢⵢⴰⵏ ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴷ ⵉⵖⴰⵡⴰⵙⵏ ⵏⵏⵙ, ⴷ ⵓⵙⵡⵓⵔⵉ ⴰⴽⴷ ⵉⵏⴳⴳⵯⴰ ⵏⵏⵙ ⵉⴼⵔⵉⵇⵉⵢⵏ ⵅⴼ ⵡⴰⵏⵏⴰⵍ ⵏ ⵜⴷⵉⵏⴰⵎⵉⵜ ⵜⴰⵎⵏⵥⴰⵡⵜ ⵉⴱⴷⴷⵏ ⵅⴼ ⵓⵎⵢⴰⵡⴰⵙ ⴷ ⵓⵕⵥⵥⵓⵎ ⵏ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵉ ⵓⵎⵔⴰⵔⴰ ⵏ ⵜⵎⵓⵣⴰⵢ, ⵙ ⵓⵢⵏⵏⴰ ⵉⴳⴰⵏ ⵜⴰⵏⴰⴼⵓⵜ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵉⵙⴷⵓⵙ ⵉⵙⴱⴷⴰⴷⵏ ⵏ ⵜⵣⴷⴳⵉ ⴷ ⵜⵏⵏⵓⴱⴹⴰ ⵜⵓⵏⵥⵉⵥⵜ ⵊⴰⵊ ⵏ ⵜⵎⵏⵥⴰⵡⵜ ⵏ ⵡⴰⴼⵔⵉⵇⵢⴰ.

ⵉⵜⵜⵓⵙⴽⵜⴰⵢ ⵎⴰⵙ ⵜⵙⵎⵓⵏⴰ ⵜⵎⵙⵎⵓⵏⵜ ⵏ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵡⴰⴼⵔⵉⵇⵢⴰ 45 ⵏ ⵓⴳⵔⴰⵡ ⴰⵏⴰⵎⵓⵔ, ⴰⵔ ⴳⵣⵣⴰⵏ 43 ⵏ ⵓⵡⴰⵏⴽ ⴰⴼⵔⵉⵇⵉ, ⴷ ⵜⴳⴰ ⵙⴳ ⵉⵎⴰⵙⵙⵏ ⵉⴷⵙⵍⴰⵏⵏ ⵉⵎⵔⵙⴰⵍⵏ ⵏ ⵓⵎⵢⴰⵡⴰⵙ ⴷ ⵓⵣⴷⴷⵓⵢ ⵉⵏⴳⵔ ⵜⵏⵎⴰⵍⴰⵢⵉⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵜⵎⵏⵥⴰⵡⵜ, ⴷ ⵜⴷⴽⴽⵯⴰⵏⵜ ⵏ ⵓⵎⵔⴰⵔⴰ ⵏ ⵜⵎⵓⵣⴰⵢ ⴷ ⵜⵔⵎⵉⵜⵉⵏ ⴷ ⵜⵎⵙⴽⴰⵔ ⵉⵀⵢⵢⴰⵏ, ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵎⵙⴰⵍⵉⵏ, ⴷ ⵓⵙⴱⵓⵖⵍⵓ ⵏ ⵜⵙⵏⵜⴰⵢⵉⵏ ⵜⵉⵎⴳⵔⴰ ⵉⵡⴰⵜⵜⵙⵏ ⴰⵏⵏⴰⵍ ⵏ ⵜⵣⴷⴳⵉ ⴷ ⵜⵙⵓⵙⵖⵜ ⴷ ⵜⵏⵏⵓⴱⴹⴰ ⵉⵀⵢⵢⴰⵏ, ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵏ ⵜⵎⵢⴰⵇⵇⴰⵏⵜ ⵏ ⵜⴰⵎⵓⵏⵜ ⵏ ⵡⴰⴼⵔⵉⵇⵢⴰ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵉⵣⴷⵉⵏ ⴷ ⵎⴰⵏ ⴰⵢⴰ.