ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵉ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ "ⵏⴰⵣⴰⵀⴰⵜⵓⵏ", ⵜⴰⴷ ⵉⴳⴰⵏ ⵀⴰⴽⴰⵜⵓⵏ ⴰⵏⴰⵎⵓⵔ ⵉⵡⵜⵜⵙⵏ ⴰⴷ ⵉⵙⴱⵓⵖⵍⵓ ⵉⴼⵙⵙⴰⵢⵏ ⵉⵎⴰⵢⵏⵓⵜⵏ ⵏ ⵓⵙⵙⴷⵓⵙ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵓⵉ ⵏⵏⵙ. 

ⴷⴰ ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ ⴰⴷ ⴳ ⵢⴰⵏ ⵓⵡⵏⴰⴹ ⵏⵏⴰ ⴳ ⵍⵍⴰⵏⵜ ⵜⵏⴰⴼⵓⵜⵉⵏ ⵉⵅⴰⵜⴰⵔⵏ ⵏ ⵓⵙⵙⴼⵍⴷ ⴷ ⵓⵙⵎⵣⴰⵣⴰⵍ, ⵏⵏⴰ ⴳ ⵓⵔ ⵙⵓⵍ ⴳⵉⵏⵜ ⵜⵖⴰⵔⴰⵙⵉⵏ ⵜⵉⵣⴰⵢⴽⵓⵜⵉⵏ ⵜⵉⵣⵎⵎⴰⵔⵉⵏ ⵏ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵜ ⵏ ⵓⵙⴳⵓⴼⵙⵓ, ⵎⴰ ⵢⴰⴷ ⵉⵙⵙⵓⵜⵓⵔⵏ ⴰⵙⵔⵓⵙ ⵏ ⵜⵖⴰⵔⴰⵙⵉⵏ ⵜⵉⵎⴰⵢⵏⵓⵜⵉⵏ ⵉⴱⵉⴷⴷⵏ ⵅⴼ ⵓⵙⵏⴼⵍⵓⵍ ⴷ ⵜⵡⵓⵔⵉ ⵜⴰⴷⵔⴰⵡⵜ ⴷ ⵓⵙⵙⵉⴷⴼ ⵏ ⵓⴼⵓⵍⵍ ⴰⵎⴷⵔⴰⵡ. 

ⵉⴳⴰ "ⵏⴰⵣⴰⵀⵜⵓⵏ" ⵢⴰⵏ ⵓⵎⵓⵙⵙⵓ ⴰⵏⴰⵎⵓⵔ ⴰⵎⵙⵏⴼⵍⵓⵍ ⵏ ⵓⵙⵎⵓⵙⵙⵓ ⵏ ⵜⵣⵎⵎⴰⵔ ⵙⴳ ⵎⵏⵏⴰⵡ ⵏ ⵉⴳⵔⴰⵏ, ⴳ ⵍⵍⴰⵏⵜ ⵜⵙⴷⴰⵡⵉⵏ, ⴷ ⵜⵎⵙⵙⵓⴳⵓⵔⵉⵏ ⵜⵉⴳⴷⵓⴷⴰⵏⵉⵏ, ⴷ ⵉⴳⵔⴰⵡⵏ ⵏ ⵜⵏⵓⴱⴹⴰ, ⴷ ⵜⵎⵔⵙⴰⵍ ⴷ ⵜⵎⵙⵙⵏⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⴷ ⵡⴰⵎⵓⵏ ⵓⵖⵔⵉⵎ, ⴷ ⵉⴳⵔ ⵉⵥⵍⵉⵏ, ⴷ ⵡⴰⵎⵎⴰⵙⵏ ⵉⴷⵍⵙⴰⵏⵏ, ⴷ ⵜⴷⴷⴰⵔⵉⵏ ⵏ ⵉⵄⵔⵔⵉⵎⵏ, ⴷ ⵜⵔⴰⴱⴱⵓⵜⵉⵏ, ... ⴰⴼ ⴰⴷ ⵏⵙⴽⵔ ⴷ ⴰⴷ ⵏⴱⵓⵖⵍⵓ ⵉⴼⵙⵙⴰⵢⵏ ⵉⵎⵓⵟⵟⵓⵏ ⵉⵎⴰⵢⵏⵓⵜⵏ ⵉⵥⴹⴰⵕⵏ ⴰⴷ ⵜⵎⵙⴰⵙⴰ ⴷ ⵉⵏⴰⵥⴰⵕⵏ ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵜⵣⴷⴳⵉ. 

ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵏ ⵡⴰⵍⵍⴰⵍ ⵏ  ⵓⵙⵏⴼⵍⵓⵍ ⴳ ⵜⵡⵓⵔⵉ ⵜⴰⴳⴷⵓⴷⴰⵏⵜ, ⵉⵡⵜⵜⵙⵏ ⴰⴷ ⵉⵙⴱⵓⵖⵍⵓ ⵉⵙⵏⴼⴰⵔⵏ ⵉⵜⵉⴽⵏⵓⵍⵓⵊⵉⵢⵏ ⵏⵏⴰ ⵖⵓⵔⵙⵏ ⵢⴰⵏ ⵓⵏⵣⴰ, ⴷ ⴰⴷ ⵉⵙⴱⵓⵖⵍⵓ ⵜⴰⴷⵍⵙⴰ ⵏ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ ⴷ ⵡⴰⵎⵓⵏ ⵏⵏⵙ, ⵅⴼ ⵓⵙⵏⴼⵍⵓⵍ ⵏ ⵓⵎⴷⵔⴰⵡ, ⴷ ⵜⵎⵙⵙⵓⴳⵓⵔⵜ, ⴷ ⵜⵣⴷⴳⵉ ⴷ ⵜⴷⵔⴰⵡⵜ ⵜⴰⴳⴷⵓⴷⴰⵏⵜ. 

ⵔⴰⴷ ⵙⴱⵓⵖⵍⵓⵏ ⵉⵎⴷⵔⴰⵡⵏ ⵉⵙⵏⴼⴰⵔⵏ ⵏⵏⵙⵏ ⴰⵎⵎⴰⵙ ⵏ ⴽⵉⴳⴰⵏ ⵏ ⵉⴳⵊⴷⴰⵏ ⵉⵙⴳⵓⵎⴰⵏⵏ , ⵉⵙⵎⵓⵏⵏ ⴰⵔⵔⴰⵢ ⵏ ⵓⵙⴳⵓⴼⵙⵓ, ⴷ ⵜⵉⴹⴰⴼ , ⴷ ⵓⵙⵎⵉⴳⵍ ⴷ ⵓⵙⴼⵙⵉ ⵏ ⵉⵎⵉⵣⵉⵜⵏ ⴷ ⵓⵙⴽⴰⵔ ⵏ ⵜⴽⵕⴹⵉⵡⵉⵡⵉⵏ ⵏⵏⵙ, ⵓⵍⴰ ⴰⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ, ⴷ ⵓⵙⴷⵓⵙ ⵏ ⵉⵎⵙⴽⴰⵔⵏ ⴳ ⵓⵏⴳⵔⴰⵡ, ⵙ ⵓⵡⵜⵜⴰⵙ ⵏ ⵜⵉⴽⴽⵉ ⵏ ⵉⴼⵙⵙⴰⵢⵏ ⵉⵎⵓⵟⵟⵓⵏⵏ ⵉⵎⴰⵢⵏⵓⵜⵏ ⵃⵎⴰ ⴰⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ. 

ⵜⵏⵏⵓⵕⵥⵎ ⵜⴷⵔⴰⵡⵜ ⴳ "ⵏⴰⵣⴰⵀⴰⵜⵓⵏ" ⵎⵏⵉⴷ ⵏ ⵎⵏⵏⴰⵡ ⵜⵎⵔⵙⴰⵍ ⴷ ⵉⴳⵔⴰⵡⵏ,  ⴷ ⵉⵇⵇⴰⵏ ⴷ ⴽⵓ ⵢⴰⵏ ⴰⴷ ⵉⵙⵎⵓⵜⵜⴳ ⵢⴰⵜ ⵜⵔⴰⴱⴱⵓⵜ ⵏ ⵙⵎⵎⵓⵙ ⵏ ⵉⴳⵎⴰⵎⵏ ⵡⵉⴷ ⴷⴰⵔ ⵜⵉⵣⵎⵎⴰⵔ, ⴷ ⴰⴷ ⵉⵙⵎⵏⵉⴷ ⵢⴰⵏ ⵓⵙⵏⵜⵉ ⵏ ⵜⵎⵙⵙⵏⵜⵉⵜ ⵜⴰⵎⵣⵡⴰⵔⵓⵜ ⵏⵏⴰ ⵉⵙⴰⵡⴰⵍⵏ ⵅⴼ ⵢⴰⵜ ⵜⵎⵓⴽⵔⵉⵙⵜ ⵉⵥⵍⵉⵏ ⵙ ⵢⵉⴳⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ. ⵔⴰⴷ ⵜⵜⵓⵙⵜⴰⵢⵏ ⵓⴳⴳⴰⵔ ⵏ ⵙⵉⵏ ⴷ ⵎⵔⴰⵡ ⵏ ⵜⵔⴰⴱⴱⵓⵜⵉⵏ ⵃⵎⴰ ⴰⴷ ⴷⵔⵓⵏ ⴳ ⵜⵙⵓⵜⵍⵜ ⴰⴷ, ⵅⴼ ⵉⵙⵡⵉⵔⵏ ⵉⵥⵍⵉⵏ ⵙ ⵡⵓⴷⴷⵓⵔ ⵏ ⵉⵙⵏⵜⵉⵢⵏ, ⴷ ⵜⵣⵎⵎⴰⵔ ⵏⵏⵙⵏⵜ ⴰⴷ ⵜⵜⵓⵙⴽⴰⵔⵏ, ⴷ ⵓⵎⵙⴰⵙ ⵏⵏⵙ ⴷ ⵉⵙⴳⵓⵎⵏ ⵉⵜⵜⵓⵙⵔⴰⵙⵏ. 

ⵔⴰⴷ ⵉⵣⵔⵉ "ⵏⴰⵣⴰⵀⵜⵓⵏ" ⴳ ⵙⵉⵏ ⵉⵙⵡⵉⵔⵏ ⵉⴷⵙⵍⴰⵏⵏ, ⴰⵎⵣⵡⴰⵔⵓ ⵔⴰⴷ ⵉⵙⵎⵓⵏ ⴰⵙⵏⵎⴰⵍⴰ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵙⴳ ⵓⵙⴰⵢⵔⴰⵔ ⵉ ⵜⵔⴰⴱⴱⵓⵜⵉⵏ ⵉⵜⵜⵓⵙⵜⴰⵢⵏ, ⵍⵍⵉ ⵔⴰⴷ ⵙⴽⵔⵏ ⵉⵎⵓⵣⴰⵢⵏ  ⴳ ⵉⴳⵔ ⴰⴷ, ⴷ ⵡⵉⵙⵙ ⵙⵉⵏ ⵔⴰⴷ ⵉⴳⴰ ⴰⵙⵏⵎⴰⵍⴰ ⵏ ⵉⵙⵎⵓⵜⵜⴳⵏ ⵉⵎⵙⴷⴷⴰⵔⵏ ⴳ ⵜⵎⴷⵉⵏⵜ ⵏ ⵕⵕⴱⴰⵟ, ⵉⵥⵍⵉⵏ ⵙ ⵓⵙⴱⵓⵖⵍⵓ ⴷ ⵓⵙⵎⵏⵉⴷ ⵏ ⵉⴼⵙⵙⴰⵢⵏ ⵉⵜⵜⵓⵙⵏⵎⴰⵍⴰⵏ. ⴳ ⵜⴳⵉⵔⴰ ⵏ ⵓⵎⵓⵙⵙⵓ ⴰⴷ, ⴽⵕⴰⴹⵜ ⵜⵔⴰⴱⴱⵓⵜⵉⵏ ⵜⵉⵅⴰⵜⴰⵔⵉⵏ ⵔⴰⴷ ⵙⴱⵖⵔⵏ ⵙⴳ ⵜⵙⵎⵖⵓⵔⵉⵏ ⵜⵉⵎⵙⵉⵍⵖⵉⵏ, ⵓⵍⴰ ⴰⵣⵎⵣⵣⵓ ⵏ ⵓⴹⴼⴼⵓⵕ ⵏ ⵉⵙⵏⴼⴰⵔⵏ ⵏⵏⵙⵏⵜ ⵃⵎⴰ ⴰⴷ ⵜⵜⵓⵙⴷⵓⵙⵏ ⴳ ⵡⴰⵏⵙⴰ. 

ⵉⵜⵜⵓⵙⴽⴰⵔ ⵓⵣⵎⵣ ⴰⵎⴳⴳⴰⵔⵓ ⵏ ⵓⵙⵔⴰⵙ ⵏ ⵜⵓⵜⵔⴰ ⵏ ⵜⴷⵔⴰⵡⵜ ⴳ 17 ⵎⴰⵢⵢⵓ 2026, ⵎⴰⵛⴰ ⵔⴰⴷ ⵜⵜⵓⵙⵙⴰⵏⵏ ⵜⵔⴰⴱⴱⵓⵜⵉⵏ ⵉⵜⵜⵓⵙⵜⴰⵢⵏ ⵙⴳ ⵓⵎⵣⵡⴰⵔⵓ ⵏ ⵢⵓⵏⵢⵓ 2026, ⴷ ⵔⴰⴷ ⵜⵜⵓⵙⴽⴰⵔⵏⵜ ⵜⵙⵓⵜⵍⵉⵏ ⵏ ⵓⵖⴰⵡⴰⵙ ⵙⴳ ⵜⵉⵣⵉ 29 ⵢⵓⵏⵢⵓ ⴰⵔ ⵓⵎⵣⵡⴰⵔⵓ ⵏ ⵢⵓⵍⵢⵓⵣ 2026. ⵉⵇⵇⴰⵏⴷ ⴰⴷ ⵜⵜⵓⵙⵎⵏⵉⴷⵏ ⵉⵙⵓⵜⵔⵏ ⵏ ⵓⵙⵎⵓⵜⵜⴳ ⵖⴰⵙ ⴳ ⵓⵙⵉⵜ: http://nazahathon.inpplc.ma