ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⴰⵏⴰⵎⵓⵔⵜ ⵍⵍⵉ ⵎⵓ ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ  ⴷ ⵓⵙⴱⵉⴷⴷ ⵏⵏⵙ, ⵜⴰⴷ ⵉⵡⵜⵜⵙⵏ ⴰⴷ ⵜⵙⴷⵓⵙ ⵜⴰⴷⵍⵙⴰ ⵏ ⵜⵣⴷⴳⵉ ⴷ ⵡⴰⵜⵉⴳⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⵜⴳⴳⵓⵣ  ⵜⴰⵔⵔⴰⴳⵜ ⵏ ⵓⵖⴰⵡⴰⵙ ⵏ ⵜⵙⵓⵜⵉⵏ ⵏ ⵜⵣⴷⴳⵉ, ⴰⵙⵙ ⵏ ⵓⴽⵕⴰⵙ 01 ⴱⵕⴰⵢⵕ 2026, " ⴳ ⵜⴽⴰⴷⵉⵎⵉⵜ  ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳⴷⵔⴰ ⵜⴰⴼⵉⵍⴰⵍⴰⵜ,  ⴳ ⵢⴰⵏ ⵓⵙⵔⵓⵙ ⴰⵎⴰⵢⵏⵓ ⵍⵍⵉ ⵉⵎⵎⴰⵍⵏ  ⵜⵉⵔⴰⵜ ⵏ ⵜⵎⵔⵙⴰⵍⵜ  ⵉⴼⴰⵡⵏ ⵃⵎⴰ ⴰⴷ ⵜⴳ ⵜⵉⵏⵎⵍ ⵜⴰⵏⴰⵎⵓⵔⵜ ⴰⵙⴰⵢⵔⴰⵔ ⴰⵏⴰⵎⵎⴰⵙ ⵏ ⵜⵓⵚⴽⴽⴰ ⵏ ⵡⴰⵜⵉⴳⵏ ⴷ ⵓⵙⴷⵓⵙ ⵏ ⵜⵎⵓⵔⴰ.

ⵉⵜⵜⵓⴼⴽⴰ ⵓⵕⵥⵥⵓⵎ ⵓⵏⵚⵉⴱ ⵉ  ⵓⵙⵔⵓⵙ  ⴰⴷ ⵙ ⵜⵉⵍⵉⵜ ⵏ ⵉⵙⵎⴷⵢⴰⵡⵏ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⴷ ⵉⵎⵙⵜⴳⴳⴰⵔⵏ ⵉⵏⵎⵏⴰⴹⵏ ⴷ ⵉⵙⴳⴰⵡⴰⵏⵏ ⵏ ⵜⴽⴰⴷⵉⵎⵉⵜ, ⴷ ⵉⵙⴰⵜⵉⵏ ⵏ ⵓⵙⴳⵎⵉ ⴷ ⵜⵎⵙⵙⵓⴳⵓⵔⵜ, ⴳ ⵢⴰⵜ ⵜⵉⵣⵉ ⵏ ⵓⵎⵎⵓⵙⵙⵓ ⴰⵏⴰⵎⵓⵏ ⵅⴼ ⵜⵉⵍⴰⵍ ⵜⵉⵅⴰⵜⴰⵔⵉⵏ ⵏ ⵓⵏⴳⵔⴰⵡ ⵏ ⵓⵙⴳⵎⵉ ⴳ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ  ⵜⵓⵙⴽⴰ ⵏ ⵜⵉⵇⵇⵉⵍⵜ ⵏ ⵡⴰⵎⵓⵏ  ⵅⴼ ⵡⴰⵢⴷⴰⵜⵏ.

ⵜⵓⵛⴽⴰⴷ ⵜⵙⵓⵜⵍⵜ ⴰⴷ ⴳ ⵓⴱⵔⵉⴷ  ⴰⵏⴰⵎⵓⵔ ⵏⵏⴰ ⵎⵓ ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⵙ ⵓⵎⵢⴰⵡⴰⵙ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⴷⴼⴼⵉⵔ ⵏ ⵓⵎⵓⵔⵙ ⵏ ⵙⵏⴰⵜ ⵜⵙⵔⵓⵙⵉⵏ  ⵏ ⴼⴰⵙ-ⵎⴽⵏⴰⵙ ⴷ ⴷⴷⴰⵕ ⵍⴱⵉⴹⴰ-ⵚⵟⵟⴰⵟ, ⵏⵏⴰ ⵉⵙⴷⴷⵉⴷⵏ ⴼ ⵓⵎⵡⴰⵊⵊⴱ ⵏ ⵓⵙⵙⴰⵔⵓ ⴳ ⵓⵙⵙⵍⵎⴷ ⵏ ⵜⵣⴷⴳⵉ , ⴷ ⵎⴰⵙ  ⵢⴰⵖⵓⵍ ⴰⴷ ⵉⴳ ⵢⴰⵏ ⵓⵎⵏⵣⴰⵢ ⴰⵙⵜⵔⴰⵜⵉⵊⵉ ⵏ ⵜⵓⵚⴽⴰ ⵏ ⵓⴼⵔⴰⴽ ⴰⵏⴰⵎⵓⵏ ⵅⴼ ⵉⵙⵏⴼⴰⵔⵏ ⵏ ⵜⵎⵙⵙⵓⴳⵓⵔⵜ ⴷ ⵜⵣⴷⴳⵉ.

ⴳ ⵓⵙⵡⵉⵔ ⵏ ⵉⵎⵓⵙⵙⵓⵜⵏ  ⵏ ⵜⴷⵔⴰⵡⵜ, ⵉⵜⵜⵓⵙⴽⴰⵔ ⵖ ⵡⴰⵙⵙ ⵡⵉⵙⵙ ⵙⵉⵏ ⴰⵕⵥⵥⵓⵎ ⵏ ⵜⵙⵏⵜⴰⵢⵉⵏ ⵏ ⵓⵙⵍⵎⴷ ⴳ ⵜⵎⵏⴰⴹⵜ ⵏ ⵕⵕⴰⵛⵉⴷⵢⵢⴰ, ⵙ ⵜⴷⵔⴰⵡⵉⵏ ⵏ ⵓⵎⵢⴰⵡⴰⴹ ⴷ ⵜⵡⵓⵔⵉⵡⵉⵏ ⵏ ⵓⵙⴳⵎⵉ ⵉ ⵉⵍⵎⴰⴷⵏ ⴷ ⵜⵏⵍⵎⴰⴷⵉⵏ, ⵉⵜⵜⵓⵙⵎⴳⴰⵍⵏ ⵅⴼ ⵓⵙⴱⴷⵉⴷ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ ⴷ ⵓⵙⴷⵓⵙ ⵏ ⵉⵚⵏⵉⵄⵏ ⵓⵎⵏⵉⴳⵏ  ⴳ ⵜⵓⴷⵔⵜ ⵜⴰⴽⵓⵢⴰⵙⵙⵜ.

ⵉⴳⴰ ⵓⵖⴰⵡⴰⵙ ⵏ "ⵜⵙⵓⵜⵉⵏ ⵏ ⵜⵣⴷⴳⵉ", ⵏⵏⴰ ⵉⴳⴰⵏ ⴰⴳⵣⵣⵓⵎ ⵏ ⵜⵙⵜⵔⴰⵜⵉⵊⵉⵜ ⵜⵉⵙⵙ ⵙⵎⵎⵓⵙⵜ ⵏ ⵓⴳⵔⴰⵡ  2025-2030, ⵢⴰⵏ ⵓⵙⵏⴼⵍ ⴰⵎⵢⴰⵏⴰⵡ ⴳ ⵜⵎⵢⴰⴷⴰⵙⵜ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⵙ ⵓⵙⵙⴰⵔⵓ ⴳ ⵓⵙⵙⵍⵎⴷ ⵅⴼ ⵡⴰⵜⵉⴳⵏ, ⴷ ⵓⵙⵙⴽⵛⵎ ⵏ ⵉⵎⴰⵙⵙⵏ ⵏ ⵓⵙⵙⵍⵎⴷ ⵉⵎⴰⵢⵏⵓⵜⵏ  ⴷ ⵉⵎⵢⴰⵖⵏ ⵏⵏⴰ ⵉⵎⵙⴰⵙⴰⵏ ⴷ  ⵜⵥⵍⴰⵢⵉⵏ ⵏ ⵉⵎⵍⵎⴰⴷⵏ, ⴷ ⵓⵙⵎⵣⴷⴰⵢ ⵏ ⵜⵓⵙⵙⵏⴰ ⴷ ⵜⵓⵙⵙⵏⴰ  ⴷ ⵉⵚⵏⵉⵖⵏ..

ⵙ ⵓⵖⴰⵡⴰⵙ ⴰⴷ, ⵉⵔⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵉⴳ ⵜⴰⵙⵓⵔⵓⴼⵜ ⵏ ⵜⵓⵚⴽⴰ ⵏ ⵜⴰⵙⵓⵜ ⵉⴼⵔⴽⵏ  ⴷ ⵉⵟⵟⴼⵏ ⵜⵉⵣⵎⵎⴰⵔ  ⵏ ⵓⴱⴹⵓ ⴳⵔ ⵉⵚⵏⵉⵖⵏ ⵉⵖⵓⴷⴰⵏ ⴷ ⵡⴰⴷ ⵜ ⵓⵔ ⵉⴳⵉⵏ, ⴷ ⴰⵔ ⵉⵙⴽⴰⵔ ⵖ ⵜⵣⴷⴳⵉ ⴰⵎⵎ ⵢⴰⵏ ⵓⵙⵜⴰⵢ ⵏ ⵓⵎⴷⴰⵏ ⴷ ⵜⴰⵏⵏⴰⵢⵜ ⵏ ⵜⴰⵏⴰⵎⵓⵏⵜ, ⵎⴰ ⵢⴰⴷ ⵉⵙⴷⵓⵙⵏ ⵜⴰⵎⵢⵉⵎⴰⵏⵜ  ⴳ ⵜⵎⵔⵙⴰⵍ, ⵖⵉⴽⵍⵍⵉ ⵉⵙⴷⵓⵙ  ⵖ ⵓⵙⵔⴰⵙ ⵏ ⵡⴰⵎⵓⵏ ⵏⵏⴰ ⵖ ⵜⴳⴳⵓⵜ ⵜⵣⴷⴳⵉ ⴷ  ⵉⵙⴽⵉⵍ ⵏ ⵜⵎⵍⴷⴰⵡⵉⵏ.