ⴳ ⵜⴼⴰⵡⵜ ⵏ ⵡⴰⵙⵙ ⵏ ⵓⴽⵕⴰⵙ 12 ⵏⵓⵡⴰⵏⴱⵉⵔ 2025, ⵉⵙⴽⵔ ⵓⵏⵙⵙⵉⵅⴼ ⵏ ‎ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ‎ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙⵙ ⵎⵓⵃⵎⵎⴷ ⴱⵏ ⵄⵍⵉⵍⵓ, ⵉⵎⴹⴰⴽⴰⵕⵏ ⴷ ⵎⴰⵙⵙ ⵍⵊⵉⵏⵉⵔⴰⵍ ⴰⵄⵎⴰⴷ ⵏⴰⵚⵉⵔ ⵕⵕⴰⵢⵙⵓ, ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵜⴰⵎⴰⴹⵍⴰⵏⵜ ⵏ ⵍⴱⵓⵍⵉⵙ ⴰⵏⴱⴽⴰⴹ (INTERPOL), ⵅⴼ ⵉⵙⵏⵜⵉⵏ ⵏ ⵓⵙⵏⵖⵎⵙ ⴷ ⵓⵙⵎⴰⴷ ⴳⵔ ⵜⵙⵏⵓⵔⴰⵢⵉⵏ ⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵉⵏⴳⵎⴰⵎⵏ ⵏ ⵓⴱⵓⵍⵉⵙ, ⴷ ⵓⵙⴱⵓⵖⵍⵓ ⵏ ⵉⵎⴰⴽⵏ ⵏ ⵜⵉⴳⴰⵡⵜ ⵉⵛⵛⴰⵔⵏ ⴳ ⵉⴳⵔⴰⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵙⵡⵓⵔⵔⵉ ⵏ ⵡⴰⵢⴷⴰ, ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵅⴼ ⵎⵏⵏⴰⵡⵜ ⵜⵖⴰⵡⵙⵉⵡⵉⵏ ⵉⵛⴰⵔⵏ.

ⴰⵙⵎⵓⵏⵉ, ⵍⵍⵉ ⵢⵜⵜⵓⵙⵏⵎⴰⵍⴰ ⴳ ⵜⵙⴳⴰ ⵏ ⵓⴳⵔⴰⵡ ⴰⵎⴰⴹⵍⴰⵏⵜ ⵏ ⴰⵏⵜⵉⵔⴱⵓⵍ ⴼ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵓⵙⵏⴼⵍⵓⵍ ⵏ ⵉⵙⵓⴳⴰⵎ, ⵍⵍⵉ ⵢⵜⵜⵓⵙⵏⵎⴰⵍⴰ ⴳ ⴰⴱⵓ ⴹⴰⴱⵉ ⴳ 11, 12 ⴷ 13 ⵏ ⵡⴰⵢⵢⵓⵔ ⴰⴷ, ⵉⴳⴰ ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵓⵎⴷⵢⴰ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵢⵉⵍⵉ ⵓⵙⵎⴰⴷ ⴷ ⵓⵎⵢⴰⵖ ⴰⵎⵔⵙⴰⵍ, ⵓⵙⵎⵓⵏ ⴷ ⵓⵎⵢⴰⵡⴰⴹ ⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵓⴳⵊⴷⵉ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵃⵟⵟⵓ ⵏ ⵡⴰⴽⴰⵍ ⴰⵏⴰⵎⵓⵔ, ⵙ ⵎⴰⴷ ⵉⴳⴰ ⵢⴰⵏ ⵓⵣⵓⵔⵜ ⴰⵙⵜⵔⴰⵜⵉⵊⵉ ⵉⴱⵓⵖⵍⴰⵏ ⵏ ⵓⵣⴷⴷⵓⵢ ⵉ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ