ⵉⵜⵜⵓⵙⴳⵎⴹ ⴰⵙⵙ ⵏ ⵓⵙⵉⵏⴰⵙ 13 ⴽⵜⵓⴱⵕ 2025 ⴳ ⵕⵕⴱⴰⵟ, ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⴳⴷⵓⴷⴰⵏ ⵏ ⵜⵣⴷⴳⵉ ⴳ ⵜⴳⴷⵓⴷⴰⵏⵜ ⵏ ⵍⵄⵉⵕⴰⵇ, ⴳ ⵢⴰⵜ ⵜⵙⵎⵓⵏⵉ ⵏ ⵓⵙⵡⵉⵔ ⵢⴰⵜⵜⵓⵢⵏ ⵏⵏⴰ ⵉⵙⵙⵉⵅⴼⵏ ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ ⴷ ⵎⴰⵙⵙ ⵎⵓⵃⵎⵎⴷ ⵄⵍⵉ ⵍⵍⴰⵎⵉ, ⵉⵏⵙⵙⵉⵅⴼⵏ ⵏ ⵉⴳⵔⴰⵡⵏ.

ⵜⵔⴰ ⵜⵎⵙⵙⴽⵜⵉⵜ ⴰⴷ, ⴰⴷ ⵜⵙⴷⵓⵙ ⴰⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵓⵙⵏⴼⵍ ⵏ ⵉⵔⵉⵎⵏ ⴳ ⵢⵉⴳⵔ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵅⴼ ⵓⵙⴰⵜⵉ ⵏ ⵉⵣⵔⴼⴰⵏ ⵉⵏⴰⵎⵓⵔⵏ ⵏ ⵙⵏⴰⵜ ⵜⵎⵉⵣⴰⵔ, ⴷ ⵓⵣⴳⵉⵔ ⵏ ⵉⵙⴱⴷⴰⴷⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⴷ ⵜⵎⵢⴰⵇⵇⴰⵏⵜ ⵜⴰⵄⵕⴰⴱⵜ.

ⵢⵓⵛⴽⴰⴷ ⵓⵙⴳⵎⴹ ⴰⴷ ⴳ ⵓⵙⴰⵜⵉ ⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵍⵍⵉ ⵉⵙⴽⵔ ⵢⴰⵏ ⵓⴽⴰⴱⴰⵕ ⵏ ⵓⴳⵔⴰⵡ ⴰⵄⵉⵔⴰⵇⵉ ⵏ ⵜⵣⴷⴳⵉ ⵉ ⵜⴳⵍⴷⵉⵜ ⴳⵔ 13 ⴷ 15 ⴽⵜⵓⴱⵕ 2025, ⵙ ⵓⵡⵜⵜⴰⵙ ⵏ ⵓⵙⵙⵍⵎⴷ ⵏ ⵜⵉⵔⵎⵉⵜ ⵜⴰⵎⵖⵔⴰⴱⵉⵜ, ⴷ ⵓⵙⵔⵙ ⵏ ⵓⵎⵢⴰⵡⴰⵙ ⴷ ⵓⵙⴱⵓⵖⵍⵓ ⵏ ⵉⵎⴰⴽⵏ ⵏ ⵜⵡⵓⵔⵉ ⵉⵛⵛⴰⵔⵏ ⴳ ⵢⵉⴳⵔⴰⵏ ⵏ ⵜⵣⴷⴳⵉ ⴷ ⵜⵖⴰⵔⵉⵡⵉⵏ ⴷ ⵓⵙⵡⵓⵔⵔⵉ ⵏ ⵉⴷⵔⵉⵎⵏ.

ⵜⵙⴷⴷⵉⴷ ⵜⵎⵙⵙⴽⵜⵉⵜ ⴰⴷ ⵜⵉⵔⴰⵜ ⵏⵏⵙⵏ ⴰⴷ ⵙⴱⵓⵖⵍⵓⵏ ⴰⵎⵢⴰⵡⴰⵙ ⴰⵄⵕⴰⴱ ⴷ ⴰⵎⴰⴹⵍⴰⵏ ⴳ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴷ ⵓⵙⵏⴼⵍ ⵏ ⵉⵔⵉⵎⵏ ⴷ ⵜⵎⵙⴽⴰⵔⵉⵏ ⵉⵖⵓⴷⴰⵏ, ⴷ ⵓⵙⵏⵎⴰⵍⴰ ⵏ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⴷ ⵜⵡⵓⵔⵉⵡⵉⵏ ⵉⵛⵛⴰⵔⵏ, ⴷ ⵓⵍⴰ ⴰⵙⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵜⵏⴱⴰⴹⵜ ⵉⵖⵓⴷⴰⵏ.