ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴳ ⵓⵙⵎⵙⴰⵙⴰ ⵏ ⵜⵎⵙⵙⵓⴳⵓⵔⵉⵏ ⵜⵉⴳⵍⴷⴰⵏⵉⵏ ⵉⵔⴰⵏ ⴰⴷ ⴼⴽⵉⵏⵜ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⵎⵔⵙⴰⵍ ⵏ ⵜⵏⵓⴱⴹⴰ ⴷ ⴰⴷ ⵜⵜⵓⵙⴷⵓⵙⵏ ⵓⵙⴷⴰⵡⴰⵏ ⵏⵏⵙⵏⵜ ⵉⵅⴰⵜⴰⵔⵏ ⴷ ⵡⴰⵍⵍⴰⵍⵏ ⵉⵏⴰⵎⵓⵔⵏ, ⴳ ⵓⵙⴰⵜⵉ ⵏ ⵓⵙⵎⴰⴷ ⴰⵎⵔⵙⴰⵍ ⵏⵏⴰ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⴼⴰⴷ ⴰⴷ ⵜⵜⵓⵙⴽⴰⵔⵏⵜ ⵜⵢⴰⴼⵓⵜⵉⵏ ⵜⵉⵎⵙⴷⴷⵓⵔⵉⵏ ⴳ ⵓⴱⵔⵉⴷ ⵏ ⵜⵓⵚⴽⴰ ⵏ ⵍⵎⵖⵔⵉⴱ ⵏ ⵜⵣⴷⴳⵉ ⴷ ⵜⴳⵎⵉ, ⵉⵎⴰⵇⵇⴰⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵙ ⵏ 21 ⴽⵟⵓⴱⵕ 2025, ⴰⵎⴰⴳⵔ ⴰⴷ ⵃⵎⴰ ⴰⵎⵙⴰⵡⴰⵍ ⴷ ⵜⵎⴷⵔⴰⵡⵜ ⵅⴼ ⵉⵙⵡⵓⴷⴷⵓⵜⵏ ⴷ ⵜⵎⴳⴳⵉⵜⵉⵏ ⵏⵏⴰ ⵔⴰⴷ ⵉⴼⴽ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵖ ⵜⵎⴰⵣⵉⵔⵜ ⵏⵏⵖ ⴷ ⵓⵙⵙⴷⵓⵙ ⵏ ⵜⵣⵎⵎⴰⵔ ⵏⵏⵙ ⵖ ⵉⴳⵔ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.
ⵉⴳⴰ ⵓⵎⴰⴳⵔ ⴰⴷ ⴰⵣⵎⵣⵣⵓ ⵏ ⵓⵙⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵏⴰⵥⴰⵕⵏ ⵉⵎⵇⵕⴰⵏⵏ ⵏ ⵜⵎⵓⴽⵔⵉⵙⵜ ⵏ ⵓⵙⴳⵓⴼⵙⵓ ⴼ ⵉⴳⵔⴰⵏ ⵏ ⵜⴳⵎⵉ, ⵖⵉⴽⵍⵍⵉ ⵉⴳⴰ ⴰⵣⵎⵣⵣⵓ ⵉ ⵎⵏⵏⴰⵡ ⵏ ⵉⵙⵏⵜⵉⵜⵏ ⴷⵉⵙⵙ ⵉⵣⴷⵉⵏ, ⵣⵓⵏⴷ ⴰⵙⵎⵓⵏ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴷ ⵓⵙⵎⵏⵉⴷ ⵏ ⵓⵙⵜⵉⴳ ⵏⵏⴰ ⵉⵙⴽⵔ ⵓⴳⵔⴰⵡ ⵅⴼ ⵓⵙⵎⵔⵙ ⵏ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ (2015-2025), ⴷ ⵓⵙⵔⵓⵙ ⵏ ⵜⵖⴰⵔⴰⵙⵉⵏ ⵏ ⵓⵙⴱⵓⵖⵍⵓ ⵏ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵏ ⵉⵎⴰⵍ ⴳ ⵉⴳⵔ ⴰⴷ. ⵖⵉⴽⵍⵍⵉ ⵉⵜⵜⵓⵙⴷⴷⵉⴷ ⵓⵍⴰ ⵅⴼ ⵡⴰⴷⴷⵓⵔ ⵏ ⵜⵎⴷⵔⴰⵡⵜ ⵏ ⵓⵎⵓⵏ ⵓⵖⵔⵉⵎ ⴷ ⵓⵙⵙⵉⵔⵉⵡ ⵏ ⵉⴱⵔⵙⵉⵙⵔⵏ ⵏ ⵜⴷⵔⴰⵡⵜ ⵏ ⵓⵎⵓⵏ ⴳ ⵜⵣⵎⵎⴰⵔ ⵏ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵙ ⵓⵙⵙⴷⵓⵙ ⵏ ⵜⵙⵏⵜⴰⵢⵉⵏ ⵜⵉⵏⴰⵎⵓⵏⵉⵏ, ⴷ ⵓⵙⴷⵓⵙ ⵏ ⵜⵎⴷⵔⴰⵡⵜ ⴰⴽⴷ ⵜⵎⵙⵎⵓⵏⵉⵏ ⴷ ⵜⵎⴰⴷⴷⴰⵙⵉⵏ ⵜⵉⵖⵔⵉⵎⵉⵏ, ⵎⴰ ⵢⴰⴷ ⵉⵟⵟⴰⴼⵏ ⵜⵉⵍⵉⵜ ⵜⴰⴷⵔⵉⵎⵜ ⴳ ⵓⵙⵙⴷⵓⵙ ⵏ ⵜⴷⵍⵙⴰ ⵏ ⵜⵣⴷⴳⵉ ⴳ ⵓⵎⵓⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
03/12/2025
ⴳ ⵡⴰⵙⵙ ⵏ ⵓⴽⵕⴰⵙ 3 ⴷⵓⵊⴰⵏⴱⵉⵔ 2025, ⴳ ⵜⵙⴳⴰ ⵏ ⵜⴷⵔⴰⵡⵜ ⵏⵏⵙ ⴳ ⵓⴳⵔⴰⵡ ⴰⴳⵔⴰⵖⵍⴰⵏ ⵏ ⵓⵙⵖⵏⵙ ⵏ ⵓⴳⵓⴼⵙⵓ, ⵉⵜⵜⵓⵙⵏⵎⴰⵍⴰ ⴳ ⵓⵙⵖⵉⵎ ⵏ ⵜⵎⵜⵜⴰ ⵢⵎⵓⵏⵏ ⴳ ⵏⵢⵓⵢⵓⵕⴽ, ⵢⴰⵏ ⵓⵎⴰⴳⵔ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ…
02/12/2025
ⵉⵙⴽⵔ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵏⴰⵙ 1 ⴷⵓⵊⴰⵏⴱⵉⵔ 2025, ⴳ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉⵎⴹⴰⴽⴰⵕⵏ ⵏ ⵓⵙⵡⵉⵔ ⵢⴰⵜⵜⵓⵢⵏ ⴳ ⵜⵎⴷⵉⵏⵜ ⵏ ⵡⴰⵛⵉⵏⵟⵓⵏ, ⴷ ⵉⵎⵙⵜⴳⴳⴰⵔⵏ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵏ …
27/11/2025
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ (INPPLC) ⴷ ⵜⵙⵇⵇⵉⵎⵜ ⵏ ⵓⵣⵔⴼ ⴳ ⵡⴰⴷⴰⴼ ⵙ ⵓⵎⵍⴰⵏ(CDAI), ⴰⵙⵙ ⵏ ⵓⴽⵡⴰⵙ 27 ⵏⵓⵡⴰⵏⴱⵉⵔ 2025, ⴳ ⵓⵙⵖⵉⵎ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⵢⴰⵜ…