ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴳ ⵜⵙⴳⵉⵡⵉⵏ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵎⵔⴰⵡⵜ ⵏ ⵓⴳⵔⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵢⵎⴰⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵙⵙⵉⵅⴼ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⵜⴰⵙⵎⵓⵏⵉ ⵏ ⵓⵙⴳⴳⵯⴰⵙ ⵏ 2025 ⵏ ⵓⵥⵟⵟⴰ ⵏ ⵜⵣⴷⴳⵉ ⴳ ⵜⵡⵓⵔⵉⵡⵉⵏ ⵏ ⵜⵎⵏⴰⴹⵜ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ (MOBIN), ⵉⵜⵜⵓⵙⵏⵎⴰⵍⴰⵏ ⴳ ⴷⴷⴰⵡⵃⴰ ⵙ ⵜⵎⴷⵔⴰⵡⵜ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⵎⵙⴰⵏⵜ (OCDE) ⴷ ⵜⵙⵏⵓⵔⴰⵢⵜ ⵜⴰⴼⵕⴰⵏⵚⴰⵡⵉⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ (AFA), ⴷ ⵉⵜⵜⵓⵙⵏⵎⴰⵍⴰⵏ ⵅⴼ ⵓⵙⴳⵓⵎ "ⴰⵙⴷⵓⵙ ⵏ ⵜⵣⴷⴳⵉ ⴳ ⵜⵡⵓⵔⵉⵡⵉⵏ : ⵜⵉⴳⴰⵡⵜ ⵜⴰⵔⴰⴱⴱⵓⵜ ⴷ ⵓⵙⵜⵉⴳ ⵏ ⵉⵙⴱⵖⵓⵔⵏ". ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵣⵎⵣⵣⵓ ⵏ ⵜⵖⵓⵔⵉ ⵏ ⵉⵙⵏⴼⵍⵏ ⵉⵅⴰⵜⴰⵔⵏ ⵏⵏⴰ ⵜⵙⵙⵏ ⵜⵡⵏⵏⴰⴹⵜ ⵏ ⵜⵎⵙⵙⵏⵜⵉⵜ, ⴷ ⵉⵙⴷⴷⵉⴷ ⵎⴰⵙⵙ ⴱⵏⵄⵍⵉⵍⵓ ⴳ ⵜⴳⵓⵔⵉ ⵏⵏⵙ ⵏ ⵓⵕⵥⵥⵓⵎ ⵎⴰⵙ ⵜⴳⴰⵏ ⵜⵉⵙⴷⴷⴰⵔⵉⵏ ⵏ ⵡⴰⵜⵉⴳ "ⵜⵓⵙⴽⵉⵡⵉⵏ ⵏ ⵓⵙⴱⴷⴷⵉ" ⵏⵏⴰ ⴳ ⵜⵜⵓⵙⵜⴰⵏ ⵉⵎⵙⴽⴰⵔⵏ ⵉⴷⵎⵙⴰⵏⵏ ⵙ ⵜⵣⵎⵔⵜ ⵏⵏⵙⵏⵜ ⵏ ⵓⵙⵢⴰⴼⵓ, ⵎⴰⵛⴰ ⴰⵡⴷ ⵙ ⵓⴽⵙⴰⵢ ⵏⵏⵙⵏ ⴳ ⵉⵍⵓⴳⵏ ⵏ ⵜⵣⵔⴼⵜ ⴷ ⵜⵣⵍⴰⵜ, ⴷ ⵜⵣⵔⴼⵜ ⵏ ⵜⵎⵙⵙⵏⵜⵉⵜ ⵜⴳⴰ ⵢⴰⵏ ⵓⵙⵓⵜⵔ ⵉⵅⴰⵜⴰⵔⵏ ⵉ ⵓⵙⵏⴼⵍⵓⵍ ⴷ ⵓⵎⵃⵉⵣⵡⴰⵔ.
ⵉⵙⴷⴷⵉⴷ ⴷⴰⵖ ⵎⴰⵙⴷ ⴰⵙⴳⵓⴼⵙⵓ ⵉⴳⴰ ⵢⴰⵏ ⵓⵙⵅⵛⵏ ⵏ ⵉⵙⵏⴼⵉⵍⵏ ⵉⴷⵎⵙⴰⵏⵏ ⴷ ⵢⴰⵏ ⵓⵙⴰⴳⵎ ⵏ ⵓⵏⴷⵍⴼ ⵏ ⵜⵣⵔⴼⵜ ⵜⴰⵎⵃⵉⵣⵡⴰⵔⵜ, ⵖⵉⴽⵍⵍⵉ ⵉⵙⴷⴷⵉⴷ ⵎⴰⵙⴷ ⴰⵙⵜⴰⵍ ⵏ ⵉⵎⵉⵣⴰⵏ ⵏ ⵜⵣⴷⴳⵉ ⵏ ⵜⵡⵓⵔⵉⵡⵉⵏ ⵙ ⵎⴰⴷ ⵉⵜⵜⴳⴰⵏ ⴰⵎⵎⴰⴽ ⵉⵛⴰⵔⵏ ⴳⵔ ⵓⵎⵙⴽⴰⵔ ⴰⵎⴰⴷⴷⵓⴷ ⴷ ⵓⴳⴰⴷⴰⵣ ⴰⴼⴰⴷ ⴰⴷ ⵙⵏⴼⵍⵏ ⵉⵎⵏⵣⴰⵢⵏ ⵏ ⵜⵣⴷⴳⵉ ⵙ ⵜⵖⵜⴰⵙⵉⵏ ⵉⵜⵜⵓⵙⵜⴰⵍⵏ. ⵉⵙⴰⵡⵍ ⵓⵍⴰ ⴼ ⴰⴷ ⵜⵜⵓⵙⴽⴰⵔ ⴳ ⵜⵡⵓⵔⵉ ⵜⴰⴳⴷⵓⴷⴰⵏⵜ ⴰⵎⵎⴰⴽ ⵏ ⵓⵙⵎⵙⴰⵙⴰ ⵏ ⵓⴳⴰⴷⴰⵣ ⵙ ⵓⵙⵎⵙⴰⵙⴰ ⵏ ⵉⵙⵡⵉⵔⵏ ⴷ ⵜⵓⵚⴽⴰ ⵏ ⵉⵎⴰⴽⵏ ⵏ ⵓⵏⵖⵎⵉⵙ ⴷ ⵓⵃⵟⵟⵓ ⵉⵛⵛⴰⵔⵏ.
ⵉⴽⵎⵍ ⵙ ⵎⴰⵙ ⴷ ⵓⵔ ⵜⴳⵉ ⵜⵣⴷⴳⵉ ⵢⴰⵏ ⵓⵥⵕⴼ ⵢⴰⴹⵏⵉⵏ, ⵎⴰⵛ ⵜⴳⴰ ⵢⴰⵏ ⵓⵙⵙⴰⵔⵓ ⴰⵙⵜⵔⴰⵜⵉⵊⵉ ⴳ ⵜⵎⵢⴰⵎⴰⵏⵜ, ⵏⵏⴰ ⵉⵙⴷⵓⵙⵏ ⴰⵙⴱⵓⵖⵍⵓ ⵏ ⵜⵎⵙⵙⵏⵜⵉⵜⵉⵏ, ⵖⵉⴽⵍⵍⵉ ⵉⵙⴷⵓⵙ ⵜⴰⵣⵎⵔⵜ ⵏ ⵜⴷⴰⵎⵙⴰ, ⴷ ⴰⵔ ⵉⵜⵏⵓⵔⵣⵓⵎ ⵉⵎⵏⵉⴷⵏ ⵏ ⵜⴳⵎⵉ ⵜⴰⵣⵔⴼⴰⵏⵜ ⴷ ⵜⵓⵎⵔⵜ ⴳ ⵜⵎⵏⴰⴹⵜ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
17/12/2025
ⴳ ⵜⵙⴳⵉⵡⵉⵏ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵎⵔⴰⵡⵜ ⵏ ⵓⴳⵔⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵢⵎⴰⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵉⵙⵙⵉⵅⴼ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⵜⴰⵙⵎⵓⵏⵉ ⵏ ⵓⵙⴳⴳⵯⴰⵙ ⵏ 2025 ⵏ ⵓⵥⵟⵟⴰ ⵏ …
15/12/2025
ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵢⴰⵏ ⴷ ⵎⵔⴰⵡⵜ ⵏ ⵓⴳⵔⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⵖ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵢⵎⵓⵏⵏ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⵍⵍⵉ ⵢⵎⴰⵏⵏ ⴳ ⵜⵖⵔⵎⵜ ⵏ ⴷⴷⴰⵃⴰ, ⵉⵙⴽⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ …
04/12/2025
ⵜⵜⵓⵙⵜⴰⵢ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⴷ ⵉⴳ ⴰⴳⵎⴰⵎ ⴳ ⵓⴳⵔⴰⵡ ⵓⴳⵔⴰⵡ ⵏ ⵓⵙⵎⵎⴰⵍ ⵏ ⵓⵥⵟⵟⴰ ⵏ ⵓⵙⵡⵓⵔⵔⵉ ⵏ ⵡⴰⵢⴷⴰⵜⵏ ⴳ ⵜⵎⵏⴰⴹⵜ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇ…