ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴷⴰⵜ ⵏ ⵎⴰⴷ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵉⵜⵜⵓⵙⴽⴰⵔ ⴰⵙⵙ ⵏ 12 ⵎⴰⵢⵢⵓ 2025 ⴰⵎⴰⴳⵔ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵓⴳⵔⴰⵡ. ⴰⵙⵓⵔⵙ ⴰⴷ ⴷ ⵢⵓⵛⴽⴰⵏ ⴳ ⵓⵎⵏⵉⴷ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉⵙⵔⵓⵙ ⵏ ⵉⵣⴰⵍⵉⵡⵏ ⵏ ⵜⵙⵓⵙⵖⵜ ⴷ ⵜⵣⴷⴳⵉ ⴷ ⵜⵎⵙⵜⴳⴳⴰⵔⵜ, ⴳ ⵓⴹⴼⴰⵕ ⵏ ⵉⵙⴳⴳⴷⵏ ⵎⵢⴰⵏⴰⵡⵏⵉⵏ ⴷ ⵜⵡⵓⵔⵉⵡⵉⵏ ⵎⵇⵇⵓⵔⵏⵉⵏ ⵏ ⵜⴳⵍⴷⵉⵜ ⵢⴰⴽⴽⴰⵏ ⵜⴰⵏⴰⴼⵓⵜ ⵜⴰⵎⴰⵜⴰⵢⵜ. ⵜⵉⵍⵉ ⴷⴰⵔ ⵓⵎⴰⴳⵔ ⴰⴷ ⵢⴰⵜ ⵜⵎⴰⵜⴰⵔⵜ ⵉⵥⵍⵉⵏ ⵉⵖ ⵏⵥⵕⴰ ⵉⵎⵙⴰⵔⴰⵙⵏ ⵏ ⵖⵉⵍ, ⴷⴰ ⴳ ⴰⵔ ⵉⵜⵎⵇⵇⵓⵔ ⵡⴰⵙⵙⴰⵔ ⵙ ⵓⵙⴷⵓⵙ ⵏ ⵜⴰⵎⵢⵉⵎⴰⵏⵜ ⴷ ⵓⵏⵎⵓⵔⵉ, ⴷ ⵓⵙⵎⵀⵍ ⵏ ⵜⵉⵍⴰⵍⵉⵏ ⴰⵔ ⴷ ⴱⴰⵀⵔⴰ ⴰⵥⵏⵜ ⵉ ⵉⴳⴰⵏⵉⵜⵏ ⵏⵏⵙ, ⴳ ⵢⴰⵜ ⵜⵉⵏⵏⵓⴱⴹⴰ ⵜⴰⵎⵔⵙⴰⵍⵜ ⴷ ⵜⵎⵔⵙⵍⵜ ⵉⵏⵏⵓⵕⵥⵎⵏ ⴷ ⵜⴰⴷ ⵉⵕⵡⴰⵏ. ⵉⵙⴷⴷⵉⴷ ⵓⴳⵔⴰⵡ ⴳ ⵓⵙⴰⵜⵉ ⴰⴷ ⴰⴱⴷⴷⴰⴷ ⵏⵏⵙ ⴰⴼⴰⴷ ⴰⴷ ⵜⵣⵣⴳⵔ ⵜⵉⵙⵎⵉⴳⴰⵍ ⵏⵏⵙ ⵙⵎⴷⵏⵉⵏ, ⴷⴰ ⵢⵓⵎⴰⵏ ⵜⴰⵙⵓⵎⵔⵜ ⵏ ⵉⵙⴳⴳⴷⵏ ⴷ ⵉⵙⵡⴰⵍⴰⵜⵏ ⴷ ⵉⵙⵖⵍⴰⴼ ⵕⵡⴰⵏⵉⵏ, ⴷ ⵜⵏⵣⴰⵔⵜ ⴳ ⵓⴼⵙⴰⵔ ⵏ ⵜⴷⵍⵙⴰ ⵏ ⵜⵏⴰⴼⵓⵜ ⵜⴰⵎⴰⵜⴰⵢⵜ, ⴷ ⵓⵙⵎⵓⵙⵙⵓ ⴷ ⵓⵙⵎⵓⵜⵜⴳ ⵅⴼ ⵉⵣⴰⵍⵉⵡⵏ ⵏ ⵜⵣⴷⴳⵉ, ⴷ ⵓⴹⵓⴼ ⵏ ⵉⵙⵙⵓⴼⵔⵉⵢⵏ ⴷ ⵉⵙⵏⵏⵉⵔⴰⵣ ⵣⴷⵉⵏⵉⵏ ⴷ ⵓⵙⴳⵓⴼⵙⵓ ⴷ ⵓⵙⵔⵓⵙ ⵏⵏⵙ ⵖⵔ ⵜⵙⴳⴳⵉⵡⵉⵏ ⵜⵉⵎⵏⵜⴰⵢⵉⵏ, ⴰⴼⴰⴷ ⴰⴷ ⴷ ⵜⴽⵔⵉ ⵉ ⵓⵎⵓⴽⵔⵉⵙ ⴰⴷ ⵙ ⵜⵎⴰⵎⴽⵜ ⵜⴰⵙⵓⵍⴰⵏⵜ. ⵉⵥⵍⵉ ⵓⴳⵔⴰⵡ ⵙ ⵜⵎⵍⴷⴰ ⴰⴷ ⵜⵉⵔⵉⵜ ⵏⵏⵙ ⵉ ⵜⵓⵚⴽⴰ ⵜⴰⵎⵙⴳⵓⴷⵉⵜ ⵏⵏⴰ ⵔⴰⴷ ⵜ ⵉⴳ ⴷ ⵓⵎⵙⴽⴰⵔ ⴰⵎⵔⵙⴰⵍ ⴰⵏⴼⵍⵓⵙ ⴷ ⴷⴰⵔ ⵜⵍⵍⴰ ⵜⵎⵔⵉⵙⵜ, ⵉⵏⵏⵓⵕⵥⵎⵏ ⵅⴼ ⵉⵙⵍⵍⵡⵉ ⴷ ⵓⵙⵓⵜⴳ ⴰⵙⵓⵍⴰⵏ ⵏ ⵜⵢⴰⴼⵓⵜⵉⵏ, ⵉⵙⵙⵏⵏ ⵎⴰⵙ ⴷ ⴰⵙⴱⴷⴷⵉ ⵏ ⵓⴳⵓⴼⵙⵓ ⵉⴳⴰ ⵢⴰⵏ ⵓⵙⵏⵜⵉ ⴰⵎⴳⵔⵓ ⵙ ⵉⵅⵚⵚ ⴰⴷ ⴳⵉⵙ ⵍⵜⵖⵏⵜ ⵜⵉⵏⵎⵓⵔⴰ ⴷ ⵉⵏⵎⵓⵔⴰⵏ ⵣⵓⵏ ⴷ ⵉⵎⴷⵔⴰⵡⵏ ⴷⵓⵙⵏⵉⵏ ⴳ ⵓⵙⵏⴼⵍ, ⵃⵎⴰ ⴰⴷ ⵢⵉⵍⵉ ⵓⵙⵎⴰⴷ ⴷ ⵜⴰⵎⵓⵏⵜ ⵏⴳⵔ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
23/09/2026
ⵜⵙⴷⴷⵉⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵏ ⵉⵡⴰⵏⴽⵏ ⵏ ⵜⴼⵓⵍⵉⵏ ⴳ ⵜⵎⵢⴰⵇⴰⵏⵜ ⵜⴰⵄⵕⴰⴱⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⴷⴷⴰⵡⵃⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵎⵓⵜⵜⵉ ⴰⵎⴰⵏⴰⵡ ⴳ ⵜⵡⵓⵔⵉ ⵜⴰⵄⵕⴰⴱⵜ ⵜⴰⵎⴰⵣⴰⵔⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⴱⴷⴷⵏ ⵅⴼ ⵓⵙⵎⵀⵍ ⵏ ⵜⵎⵔⵉⵙⵉⵏ ⴷ …
10/09/2026
ⵉⵎⴹⴰⴽⴰⵕⵏ ⴳⵔ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ.ⵉ ⵉⴼⵔⵓⵔⵉⵜⵏ ⵢⴰⴹⵏⵉⵏ ⴰⴳⴳⵯⴰⵜ ⵏⵏ ⴰⵎⵏⵏⵉ ⵉⵜⵜⵓⴼⵙⴰⵔⵏ ⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵉⵔⴰ ⵏ ⵓⵎⴱⵓⴷⵙⵎⴰⵏ ⵏ ⵀⵓⵏ ⴽⵓⵏⴳ ⴳ ⵜⵖⵓⵏⵉ ⴰ…
09/09/2026
ⵉⵙⴳⵎⴹ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴷ ⵎⴰⵙⵙ ⴷⴰⵏⵉ ⵡⵓ, ⴰⵏⵖⵍⴰⴼ ⵏ ⵜⵙⵇⵇⵉⵎⵜ ⵜⴰⵙⵉⵎⴰⵏⵜ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵀⵓⵏ ⴽⵓⵏⴳ, ⴰⵙⵙ ⵏ 8 ⵛⵓⵜⴰⵏⴱⵉⵔ 2026, ⵢⴰⵜ ⵜⵓⵏⵏⵉⴹⵜ …