ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙ ⴷⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⵚⴹⵉⵎⵔⴰⵡⵜ ⴷ ⵙⵉⵏ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⵓⵏⵏ ⴷⵉ ⵊⵓⵏⵉⴼ, ⵉⵙⴽⵔ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵢⴰⵏ ⵓⵏⵎⵓⵇⵇⴰⵔ ⵏ ⵜⵡⵓⵔⵉ ⴰⴽⴷ ⵎⴰⵙⵙ ⴱⵕⴰⴷⵉⴱ ⵡⴰⵊⵍ(Pradeep Wagle), ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴳ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⴰⵎⵓⵏⵜ ⵏⵏⵙ ⴰⴽⴷ ⴽⵔⴰ ⵏ ⵉⵎⵙⵜⴳⴳⴰⵔⵏ ⴷ ⵉⵎⵓⵣⴰⵢⵏ ⵏ ⵜⵙⵎⵉⵔⵉⵜ, ⴰⵙⵙ ⵏ ⵓⴽⵡⴰⵙ 25 ⵢⵓⵏⵢⵓ 2026.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵉ ⵓⵎⵔⴰⵔⴰ ⵏ ⵜⴰⵏⵏⴰⵢⵉⵏ ⵅⴼ ⵡⴰⵎⵎⴰⴽ ⵏ ⵓⵙⴷⵓⵙ ⵏ ⵓⵙⵎⴰⴷ ⴳⵔ ⵓⵏⴳⵔⴰⵡ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵡⵉⵏ ⵓⴼⵔⴰⴳ ⵉ ⵉⵣⵔⴼⴰⵏ ⵏ ⵓⴼⴳⴰⵏ, ⵍⵍⵉⴳ ⴳⴰⵏ ⵙⵉⵏ ⵉⴱⵔⴷⴰⵏ ⵉⵜⵜⵎⵓⵏⵏ ⵙ ⵓⵍⴽⵓⵎ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⵔⵓⵙ ⵏ ⵓⴱⴰⴹ ⵏ ⵓⵙⵍⴳⵏ, ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ.

ⴳ ⵓⵎⵏⴰⴹ ⴰⴷ, ⵓⵍⵖⵏ ⵉⵎⵙⵜⴳⴳⴰⵔⵏ ⵏ ⵜⵙⵎⵉⵔⵉⵜ ⵜⵉⵙⵏⵜⴰⵢⵉⵏ ⵏⵏⴰ ⵎⵓ ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⴼⴰⴷ ⴰⴷ ⵉⵙⵕⵚⵚⵓ ⵜⴰⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴳⵔ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ, ⵍⵓⵎⴰⵕ ⵜⴰⵙⵏⵜⴰⵢⵜ ⵏⵏⵙ ⵏ ⵓⵙⵓⵖⵍ ⵏ ⵓⵎⴰⵏⴰⵔ ⴰⵎⵙⴽⴰⵔ ⵍⵍⵉ ⴷ ⵉⴼⴼⵓⵖⵏ ⵙⴳ ⴷⴰⵔ ⵜⵎⵜⵜⴰ ⵉⵎⵓⵏⵏ, ⵉⵜⵜⵓⵙⵡⴰⵍⴰⵏ ⵖⵔ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⵅⴼ ⵓⵙⵉⴷⴼ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷⴳ ⵜⵓⴳⴳⴰⵙ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ. ⴳⴰⵏ ⵜⴰⵙⵏⵜⴰⵢⵜ ⴰⴷ ⴷ ⵜⴰⴱⵣⴰⵔⵜ ⵉⵖⵉⵢⵏ ⴰⴷ ⵜⵙⵅⵉⵜⵔ ⴰⵏⵙⴰ ⵏ ⵓⴼⵍⴰⵥ ⴳ ⵜⵙⵓⵖⴰⵍ ⵏ ⵜⵎⵜⵜⴰ ⵉⵎⵓⵏⵏ ⵊⴰⵊ ⵏ ⵉⵙⴰⵢⵔⴰⵔⵏ ⵉⵙⵔⵖⵉⵏⵏ.

ⴳ ⵜⵙⴳⴰ ⵏⵏⵙ, ⵉⵙⵙⵏⴽⴷ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ ⴽⵔⴰ ⵏ ⵉⵙⵏⵜⴰⵢ ⴷ ⵜⵙⵏⵜⴰⵢⵉⵏ ⵍⵍⵉ ⵅⴼ ⵉⵙⵡⵓⵔⵉ ⵓⴳⵔⴰⵡ ⴳ ⵓⵙⴱⵓⵖⵍⵓ ⵏⵏⵙⵏ ⴷⵉ ⵢⵉⴳⵔ ⵏ ⵓⵣⴷⴰⵢ ⴳⵔ ⵜⵣⴷⴳⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵙⵉⴷⴻⴷ ⵎⴰⵙ ⵓⵔ ⵉⵅⵚⵚⴰ ⴰⴷ ⵢⵉⵍⵉ ⵓⵎⵢⴰⵖ ⴰⴽⴷ ⵜⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵉⵇⵇⵏⵏ ⵙ ⵎⴰⵏ ⴰⵢⴰ ⵍⵍⵉⴳ ⴳⴰⵏⵜ ⵉⵏⴳⵔⴰⵡⵏ ⵉⵎⵙⴰⴷⴰⵖⵏ ⵏⵖ ⵉⵏⵙⵔⵏ, ⵎⴰⵛⴰ ⵍⵍⵉⴳ ⴳⴰⵏⵜ ⴰⵙⴰⵜⵉ ⵉⵙⵎⴷⵏ ⵍⵍⵉ ⴷⴰ ⵜⵜⵎⵣⴰⵔⴰⵢⵏ ⵉⵡⵜⵜⴰⵙⵏ ⵏ ⵓⴼⵔⴰⴳ ⵉ ⵡⴰⴷⴷⵓⵔ ⴷ ⵜⵏⴼⴳⴰⵏⵜ, ⴷ ⵓⵃⵟⵟⵓ ⵏ ⵉⵣⵔⴼⴰⵏ, ⴷ ⵓⵙⴷⵓⵙ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵙⵓⵙⵖⵜ. ⵉⵎⴽⵉⵏⵏⴰ ⵉⵙⴷⴷⵉⵙ ⵅⴼ ⵜⵎⵖⵔⵜ ⵏ ⵓⵙⴽⴰⵔ ⵏ ⵉⴷⵔⴰⵡⵏ ⵉⵔⵉⵡⵏ ⴰⴽⴷ ⵉⴼⵔⴷⵉⵙⵏ ⵏ ⵡⴰⵎⵓⵏ ⵓⵖⵔⵉⵎ ⵍⵍⵉ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵢⵏⵏⴰ ⵉⵙⵔⵓⵙⵏ ⴰⵙⵎⴰⴷ ⵏ ⵜⵉⵍⴰⵍⵉⵏ ⵏⵏⵙⵏ.

ⴷⴼⴼⵉⵔ ⴰⵙⴰⴳⴳⵯ ⵅⴼ ⵜⵔⵎⵉⵜⵉⵏ ⴷ ⵜⵙⵏⵜⴰⵢⵉⵏ ⵍⵍⵉ ⵉⵙⴱⵓⵖⵍⴰ ⵓⴳⵔⴰⵡ, ⵎⵍⴰⵏ ⵉⵎⵙⵜⴳⴳⴰⵔⵏ ⵏ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵜⵓⵎⵎⵍⴰ ⵏⵏⵙⵏ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵎⵔⵙⴰⵍ ⴰⴽ ⵉⴷⵙ, ⵍⵓⵎⵎⵏ ⵙ ⵓⵙⵉⴷⴼ ⵏ ⵜⵖⵓⵔⵉⵡⵉⵏ ⴷ ⵉⵎⴰⴽⵉⵏⵣⵎⵏ ⵉⵙⵓⵖⴰⵍ ⴷ ⵉⵙⵢⴰⴼⵓⵜⵏ ⵉⵡⵙⵙⴰⵏ ⵍⵍⵉ ⵉⵙⴽⵔ ⵓⴳⵔⴰⵡ ⵊⴰⵊ ⵏ ⵜⴷⴽⴽⵯⴰⵏⵜ ⵜⴰⵎⵓⵟⵟⵓⵏⵜ ⵏ ⵜⵙⵎⵉⵔⵉⵜ ⵉⵥⵍⵉⵏ ⵙ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ, ⵙ ⵓⵢⵍⵍⵉ ⵉⵜⵜⴰⵡⵙⵏ ⴳ ⵓⵙⵎⴰⵜⴰ ⵏ ⵜⵎⵙⴽⴰⵔ ⵉⵛⵏⴰⵏ ⴷ ⵓⵎⵔⴰⵔⴰ ⵏ ⵜⵎⵓⵣⴰⵢ ⴷⴳ ⵓⵙⵡⵉⵔ ⴰⴳⵔⴰⵖⵍⴰⵏ.

ⴳ ⵜⴳⵉⵔⴰ ⵏ ⵓⵏⵎⵓⵇⵇⴰⵔ, ⵢⵓⵣⵏ ⵎⴰⵙⵙ Pradeep Wagle ⵜⴰⵖⵓⵔⵉ ⵜⴰⵎⴰⴷⴷⵓⴷⵜ ⵉ ⵎⴰⵙⵙ ⵎⵓⵃⵎⴰⴷ ⴱⵏⵄⵍⵉⵍⵓ ⵃⵎⴰ ⴰⴷ ⵉⵙⵙⵏⴽⴷ ⵜⴰⵎⵓⵣⴰⵢⵜ ⵏ ⵍⵎⵖⵔⵉⴱ ⵍⵍⵉ ⵉⵍⵍⴰⵏ ⴷⴰⵔ ⵓⴳⵔⴰⵡ ⴰⵏⴰⵎⵓⵔ ⴳ ⵢⵉⴳⵔ ⵏ ⵜⵓⵚⴽⴰ ⵏ ⵜⵍⴳⴳⵯⵉⵏ ⴳⵔ ⵜⵙⵔⵜⴰⵢ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵏⴳⵔⴰⵡ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵏ ⴰⵢⴰ ⴷⵉ ⵓⵙⴳⵔⴰⵡ ⴰⵙⴳⴰⵡⴰⵏ ⵅⴼ ⵜⵔⴰⵔⵉⵜ ⵏ ⵡⴰⵢⴷⴰⵜⵏ ⴷⵉ ⴰⴼⵔⵉⵇⵢⴰ ⵍⵍⵉ ⵔⴰⴷ ⵉⵜⵜⵓⵙⵓⴷⵙ ⴳ ⴰⴷⵉⵙⴰ ⴱⴰⴱⴰ ⴳ ⵜⵣⵡⵉⵔⵉ ⵏ ⵛⵓⵜⴰⵏⴱⵉⵔ ⵍⵍⵉ ⴷ ⵢⵓⵙⵉⵏ, ⴷ ⴰⵡⴷ ⴷⴳ ⵓⵎⵣⵣⵓ ⵍⵍⵉ ⵔⴰⴷ ⵜⵙⵙⵓⴷⵙ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⴳ ⵜⵙⴳⴰ ⵏ ⵓⵙⴳⵔⴰⵡ ⴰⴳⵔⴰⵖⵍⴰⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴷⵉ ⴷⵓⵊⴰⵏⴱⵉⵔ ⵍⵍⵉ ⴷ ⵢⵓⵙⵉⵏ ⴳ ⵜⴳⴷⵓⴷⴰ ⵏ ⴷⵓⵎⵉⵏⵉⴽⴰⵏ, ⵍⵍⵉ ⵉⵜⵜⵓⵥⵍⴰⵢⵏ ⵉ ⵓⴼⵙⴰⵔ ⵏ ⵜⵎⵢⴰⴷⴰⵙⵉⵏ ⵉⵜⵜⵓⵙⵍⵍⵡⴰⵏ ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵙⵎⴰⴷ ⴳⵔ ⵓⵏⴳⵔⴰⵡ ⵏ ⵜⵣⴷⴳⵉ ⴷ ⵡⵉⵏ ⵉⵣⵔⴼⴰⵏ ⵏ ⵓⴼⴳⴰⵏ.