ⵉⵜⵜⵓⵙⴳⵎⴹ ⴰⵙⵙ ⵏ ⵓⴽⵡⴰⵙ 25 ⴷⵓⵊⴰⵏⴱⵉⵔ 2025, ⴳ ⵕⵕⴱⴰⵟ, ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵓⵙⵇⵇⵉⵎ ⵏ ⵓⵎⵣⵉⵣⵡⵔ ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵃⵎⴰ ⴰⴷ ⵉⵜⵜⵓⵙⴷⵓⵙ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⴳⵔ ⵙⵏⴰⵜ ⵜⵎⵔⵙⴰⵍⵉⵏ ⵜⵉⴷⵙⵜⴰⵔⵉⵏ, ⴳ ⵉⴳⵔⴰⵏ ⵉⵣⴷⵉⵏ ⴷ ⵓⵙⵙⴷⵓⵙ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ, ⴷ ⵓⵙⵙⵓⴷⵙ ⵏ ⵓⵙⵏⴰⵎ ⵏ ⵜⵎⵙⴽⴰⵔ ⵜⵉⴷⵎⵙⴰⵏⵉⵏ, ⴷ ⵓⵙⴷⵓⵙ ⵏ ⵜⵏⵓⴱⴹⴰ ⵉⵕⵡⴰⵏ.

ⵜⴽⵛⵎ ⵜⵎⵢⴰⵇⵇⴰⵏⵜ ⴰⴷ ⴳ ⵓⵙⴰⵜⵉ ⵏ ⵜⵎⵥⵍⴰⵢⵉⵏ ⵜⵉⴷⵓⵙⵜⵓⵔⵉⵏ ⴷ ⵜⵓⵍⴳⵉⵏⵉⵏ ⵉⵜⵜⵓⴼⴽⴰⵏ ⵉ ⵙⵏⴰⵜ ⵜⵎⵔⵙⴰⵍⵉⵏ, ⵖⵉⴽⵍⵍⵉ ⵜⵎⵎⴰⵍ ⵜⵎⵢⴰⵇⵇⴰⵏⵜ ⴰⴷ  ⵜⵉⵔⴰⵜ ⵉⵛⵛⴰⵔⵏ ⵏ ⵓⵙⵎⵓⵏ ⵏ ⵜⵣⵎⵎⴰⵔ ⵎⵔⴰ ⴰⴷ ⵢⵉⵍⵉ ⵡⴰⵔⴰⵢ ⵙⴳⵜⵎⵙⴽⴰⵔⵉⵏ ⵓⵔ ⵉⵃⵍⵉⵏ ⵏ ⵉⵎⵏⵣⴰⵢⵏ ⵏ ⴰⵎⵣⵉⵣⵡⵔ  ⵉⵍⴻⵍⵍⵉ ⴷ ⵓⵣⵔⴼⴰⵏ ⴳ ⵜⵓⵇⵇⵏⵉⵏ ⵜⵉⴷⵎⵙⴰⵏⵉⵏ, ⴷ ⵓⵙⵙⴷⵓⵙ ⵏ ⵜⵣⴷⴳⵉ ⵏ ⵉⴳⴰⴷⴰⵣⵏ, ⴷ ⵓⵙⴷⵓⵙ ⵏ ⵉⵍⵓⴳⵏ ⵏ ⵓⵙⵡⵓⴷⴷⵓ ⴰⴷⵎⵙⴰⵏ ⴷ ⵓⵏⵎⵀⴰⵍ, ⴷ ⵓⵙⴱⴷⴷⵉ ⵏ ⵉⵏⴷⵉⵍⴼⵏ ⵉⵣⴷⵉⵏ ⵙ ⵓⴱⵖⵓⵔ ⵏ ⵓⵏⴰⵎⵓⵔ ⴰⵎⴰⵜⴰⵢ.

ⵙ ⵓⵎⵙⴰⵙⴰ ⴰⴷ, ⵙⵓⵖⵏⵜ ⵙⵏⴰⵜ ⵜⵎⵔⵙⴰⵍ ⴳ ⵎⴰⴷ ⵉⵥⵍⵉⵏ ⵙ:

- ⴰⵙⵙⴷⵓⵙ ⵏ ⵓⵃⵟⵟⵓ ⵏ ⵜⵎⵙⴽⴰⵔⵉⵏ ⵏ ⵓⵙⴱⴷⴷⵉ ⵏ ⵓⵎⵣⵉⵣⵡⵔ ⴷ ⵜⵓⴳⴳⵉⵜⵉⵏ ⵏ ⵓⵙⴳⵓⴼⵙⵓ ⴷ ⵓⵚⵍⵉⴱ ⵏⵏⵙⵏⵜ, ⵙ ⵓⵙⵙⵏⵚⴱ ⵏ ⵢⴰⵜ ⵜⵖⴰⵔⴰⵙⵜ ⵜⴰⵎⵙⴰⵙⴰⵏⵜ ⴷ ⵜⵓⵏⵏⵓⵏⵜ.

- ⴰⵙⴽⴰⵔ ⵏ ⵉⵖⴰⵡⴰⵙⵏ ⵉⵛⵛⴰⵔⵏ ⵏ ⵓⵙⵎⵓⵜⵜⴳ ⴷ ⵓⵙⵏⴼⵍ ⵏ ⵜⵎⵓⵥⴰⵢⵉⵏ ⴳ ⵉⴳⵔⴰⵏ ⵏ ⵓⵙⵏⵎⴰⵍⴰ ⵏ ⵓⵎⵣⵉⵣⵡⵔ, ⴷ ⵓⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⴷ ⵜⵖⴰⵔⵉⵡⵉⵏ ⵏ ⵜⵡⵓⵔⵉ ⴷ ⵜⵏⵓⴱⴹⴰ;

- ⴰⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵏ ⵓⴼⵔⴰⴽ ⴷ ⵜⵉⵏⴰⵡⵉⵏ ⴷ ⵉⵎⵎⵓⵙⵙⵓⵜⵏ ⴷ ⵜⵡⵓⵔⵉⵡⵉⵏ ⵏ ⵜⵡⵓⵔⵉ ⵅⴼ ⵉⵙⵏⵜⵉⵜⵏ ⵏ ⵓⵙⵙⴼⵍⴷ ⵉⵛⵛⴰⵔⵏ;

- ⴰⵙⴱⵓⵖⵍⵓ ⵏ ⵓⵙⵏⴼⵍⵓⵍ ⵏ ⵜⵎⵓⵛⴰ ⴷ ⵉⵏⵎⵎⴰⵍⵏ ⵉⵣⴷⵉⵏ ⴷ ⵜⵎⵙⴽⴰⵔⵉⵏ ⵏ ⵜⵙⴱⴱⴰⴱⵜ, ⴷ ⵡⴰⴷⴷⴰⴷⵏ ⵉⵙⵎⴰⵏⵏ ⵉⵎⵉⵣⵉⵜⵏ ⵉⵖⵉⵏ ⴰⴷ ⵙⵙⴱⵖⵔⵏ ⵙⴳ ⵓⵎⵣⵉⵣⵡⵔ ⵏⵖⴷ ⵙ ⵜⵣⴷⴳⵉ ⵏ ⵉⴳⴰⴷⴰⵣⵏ;

ⵜⵉⵡⵉⴷ ⵜⵎⵢⴰⵇⵇⴰⵏⵜ ⴰⵡⴷ ⴰⵙⵔⵙ ⵏ ⵡⴰⵎⵎⴰⴽ ⵉⵛⵛⴰⵔⵏ ⵏ ⵓⵙⵎⵔⵙ ⴷ ⵓⴹⴼⴼⵓⵕ, ⵃⵎⴰ ⴰⴷ ⵢⵉⵍⵉ ⵓⵙⵎⵙⴰⵙⴰ ⴰⵙⵏⵎⴰⵍⴰⵢ ⴷ ⵉⴼⵓⵍⴽⵉⵏ ⴳⵔ ⵙⵏⴰⵜ ⵏ ⵜⵎⵔⵙⴰⵍ ⴳ ⵓⵙⵙⵎⴰⵔ ⴷ ⵓⵣⵣⴳⵉⵔ ⴷ ⵓⵙⵜⵉⴳ ⵏ ⵉⵖⴰⵡⴰⵙⵏ ⴷ ⵜⵡⵏⵏⴰⵖ ⵏ ⵜⵡⵓⵔⵉ ⴰⴼ ⴰⴷ ⵜⵜⵓⵣⵣⴳⵔⵏ ⵉⵙⵓⵜⵓⵔⵏ ⵏⵏⵙ.

ⵜⴳⴰ ⵜⵎⵢⴰⵇⵇⴰⵏⵜ ⴰⴷ ⵢⴰⵜ ⵜⵙⵓⵔⵉⴼⵜ ⵉⴼⵓⵍⴽⵉⵏ ⴳ ⵓⴱⵔⵉⴷ ⵏ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵎⴰⴷ ⴰⵎⵔⵙⴰⵍ, ⵙ ⵎⴰⴷ ⵉⵜⵜⴰⵡⵙⵏ ⵖ ⵓⵙⵙⴷⵓⵙ ⵏ ⵜⵓⵚⴽⴰ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ ⵉⵣⴷⵉⴳⵏ ⴷ ⵓⵎⵣⵉⵣⵡⵔ, ⵉⴱⵉⴷⴷⵏ ⵅⴼ ⵉⵎⵏⵣⴰⵢⵏ ⵏ ⵜⵣⴷⴳⵉ ⴷ ⵜⵎⵙⵙⵓⴳⵓⵔⵜ, ⵎⴰ ⵔⴰⴷ ⵢⴰⵡⵙ ⵖ ⵓⵙⵙⴷⵓⵙ ⵏ ⵜⵎⵢⴰⵎⴰⵏⵜ ⴳ ⵉⵎⴰⴽⵏ ⵏ ⵓⵙⵓⴷⵙ ⵏ ⵓⴳⴰⴷⴰⵣ ⴷ ⵓⵃⵟⵟⵓ ⵏ ⵓⵏⴰⴼⴰⴳ ⴰⴳⴷⵓⴷⴰⵏ.