ⴷⴼⴼⵉⵔ ⵎⴰⴷ ⵉⵜⵜⵓⵏⵏⴰⵏ ⵙⴳ ⴽⵔⴰ ⵏ ⵉⵙⵉⵜⵏ ⵏ ⵜⵏⵖⵎⴰⵙⵜ ⵜⴰⵍⵉⴽⵟⵕⵓⵏⵉⵜ ⵉⵣⴷⵉⵏ ⴷ ⵓⵙⵓⵜⵔ ⵏ ⵜⵏⴰⴼⵓⵜⵉⵏ ⵓⵟⵟⵓⵏ 07/2025 ⵉⵣⴷⵉⵏ ⴷ ⵓⵙⴽⴰⵔ ⵏ " ⵜⴰⴽⴰⵕⴹⴰ ⵏ ⵉⵔⵉⵎⵏ ⵏ ⵓⵙⴳⵓⴼⵙⵓ ⴳ ⵉⴳⵔ ⵏ ⵜⴷⵓⵙⵉ " ⴷ ⵉⵙⵡⵉⵏⴳⵉⵎⵏ ⵉⵣⴷⵉⵏ ⴷ " ⴰⵎⵏⵣⴰⵖ ⵏ ⵜⵏⴰⴼⵓⵜⵉⵏ " ⵏⵏⴰ ⵉⵥⵍⵉⵏ ⵙ ⵜⴷⵔⴰⵡⵜ, ⵉⵔⴰ  ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⴷ ⵉⴷⵔⵓ ⴷ ⵓⴳⴷⵓⴷ ⴰⵏⴰⵎⵓⵔ:

ⵙ ⵡⴰⵔⴰⵢ ⵏ ⵓⴳⵔⴰⵡ ⴽⴰ ⴷ ⵜⵣⴷⴳⵉ ⴳ ⵓⵙⵎⵀⵍ ⵏ ⵜⵙⵏⵜⴰⵢⵉⵏ ⵏ ⵓⵙⵙⵓⴼⵖ, ⵉⴼⴽⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⴳⵔⴰⵡ ⵜ ⵏ ⵓⵙⴱⴷⴷⵉ ⵏ ⵓⵙⵙⵓⴼⵖ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵉⵣⴷⵉⵏ ⴷ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵙ ⵓⵣⵎⵎⵣⵓ ⵏ ⵡⴰⴽⵓⴷ, ⴷ ⵓⵙⵙⵓⴼⵖ ⵏ ⵓⵖⴰⵡⴰⵙ ⵏ ⵓⵎⵙⴰⵙⴰ ⴷ ⵉⵙⵎⴷⵢⴰⵡⵏ ⵏⵏⵙ ⵉ ⵜⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵉⵙⵓⵜⵓⵔⵏ ⵉⴳⴷⵓⴷⴰⵏⵏ ⵃⵎⴰ ⴰⴷ ⵜⵜⵓⵙⴽⴰⵔ ⵜⵖⵜⴰⵙⵜ ⵏⵏⵙ ⵖⵉⴽ ⵍⵍⵉ ⵢⵏⵏⴰⵏ ⵉⵙⵓⵜⵍⵏ ⵏ ⵓⵙⵍⴳⴰⵏ ⴷ ⵓⵙⵓⴷⵙ.

ⵉⵙⵏⵎⴰⵍⴰ ⵓⵍⴰ ⵢⴰⵏ ⵓⵔⵣⵣⵓ ⴰⴷⵓⵙⴰⵏ ⵅⴼ ⵜⵎⵙⵓⵜⴰⵍ ⵉⵜⵜⵓⵙⵎⵓⵜⵜⴳⵏ, ⵅⴼ ⵓⵙⴰⵜⵉ ⵏ ⵉⵙⵓⵜⵓⵔⵏ ⵏ ⵓⴷⵓⵙⵜⵓⵔ ⴷ ⵉⵙⵡⵉⵔⵏ ⵉⵎⴰⴹⵍⴰⵏⵏ ⵉⵜⵜⵓⵢⴰⵙⵏ ⴳ ⵉⴳⵔ ⵏ ⵓⵃⵟⵟⵓ ⵏ ⵉⵎⵏⵣⴰⵖⵏ ⵏ ⵜⵏⴰⴼⵓⵜⵉⵏ, ⵙ ⵓⵃⵟⵟⵓ ⴰⴽⴽⵡ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ ⴷ ⵓⵏⴳⵉⴷⴷⵉ ⵖ ⵉⵣⵎⴰⵣ

ⵉⴷⴷⵉⴷ ⵓⴳⵔⴰⵡ ⵎⴰⵙ ⵉⵙⵙⵏ ⵜⴰⵏⵏⴰⵢⵜ ⵜⴰⴳⴷⵓⴷⴰⵏⵜ ⵙ ⵜⵖⵜⴰⵙⵜ ⵜⴰⴳⴳⵡⵔⴰⵏⵜ ⵍⵍⵉ ⵔⴰⴷ ⵢⴰⵎⵥ ⵓⵙⵇⵇⵉⵎ ⵏⵏⵙ ⵅⴼ ⵓⵙⵏⵜⵍ ⴰⴷ ⴳ ⵓⵙⴰⵜⵉ ⵏ ⵜⵖⵜⴰⵙⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵉⵙⵓⵜⵓⵔⵏ ⵉⴳⴷⵓⴷⴰⵏⵏ, ⴷ ⵜⵏⴰⴼⵓⵜⵉⵏ ⵍⵍⵉ ⵔⴰⴷ ⵉⴼⴽ ⵓⵣⵣⵔⴰⵢ ⴷ ⵜⵎⵀⵍⵉⵡⵉⵏ ⵍⵍⵉ ⵔⴰⴷ ⵜⵙⵏⵓⴱⴳ.

ⵜⴰⵖⵜⴰⵙⵜ ⴰⴷ ⵜⴽⵛⵎ ⴳ ⵓⵙⴰⵜⵉ ⵏ ⵓⵖⴰⵔⴰⵙ ⵏ ⵜⵙⵏⵓⵔⴰⵢⵜ ⴳ ⵓⵃⵟⵟⵓ ⵏ ⵜⵣⴷⴳⵉ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵓⴹⴼⴼⵓⵕ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ ⴷ ⵓⵙⵙⴼⵍⴷ ⴳ ⵓⵙⵎⵀⵍ ⵏ ⵉⴷⵔⵉⵎⵏ ⵉⴳⴷⵓⴷⴰⵏⵏ ⴷ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ.