ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵜ ⵜⴰⵙⵎⵎⵓⵙⴰⵏⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵡⴰⴳⵓⵔ 2025-2030, ⴷ ⴳ ⵓⵎⵏⴰⴹ ⵏ ⵓⵕⵥⵥⵓⵎ ⵏ ⵓⵙⵏⴼⴰⵔ "ⵉⵙⴳⵔⴰⵡⵏ ⵏ ⵜⵣⴷⴳⵉ ⴳ ⵓⵙⴰⵢⵔⴰⵔ ⵏ ⵜⵙⴷⴰⵡⵉⵜ" ⵍⵍⵉ ⵉⴳⴰⵏ ⵜⴰⵔⵙⵍⵜ ⵜⴰⴷⵙⵍⴰⵏⵜ ⴳ ⵓⵙⵉⴷⴼ ⵏ ⵓⵙⴰⵢⵔⴰⵔ ⴰⵙⴷⴰⵡⴰⵏ ⴳ ⵓⵏⴰⴳⵔⴰⵡ ⵏ ⵡⴰⵔⴰⵢ ⵙⴳ ⵓⴳⵓⴼⵙⵓ, ⵜⵙⵏⵓⴱⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⴰⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴳ ⵡⵓⵊⴷⴰ, ⴰⵙⵙ ⵏ ⵓⴽⵕⴰⵙ 29 ⵉⴱⵔⵉⵔ 2026, ⴰⵎⵣⵣⵓ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴷ ⵓⴷⵔⴰⵡ ⵉⵏⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴷ ⵜⵙⴷⴰⵡⵉⵜ ⵏ ⵎⵓⵃⵎⵎⴻⴷ ⴰⵎⵣⵡⴰⵔⵓ ⴳ ⵡⵓⵊⴷⴰ, ⵙ ⵜⵉⵍⵉⵜ ⵏ ⵉⵎⵙⵜⴳⴳⴰⵔⵏ ⵏ ⵉⴳⵎⴰⵎⵏ ⵙ ⵙⵉⵏ, ⴷ ⵉⵙⵍⵎⴰⴷⵏ ⵉⵎⵔⵣⵓⵜⵏ ⴷ ⵉⵎⵃⴹⴰⵕⵏ ⵏ ⵜⵙⴷⴰⵡⵉⵜ. 

ⵉⵙⵉⵡⵉⴹ ⵓⵙⵏⴼⴰⵔ "ⵉⵙⴳⵔⴰⵡⵏ ⵏ ⵜⵣⴷⴳⵉ ⴳ ⵓⵙⴰⵢⵔⴰⵔ ⵏ ⵜⵙⴷⴰⵡⵉⵜ" ⵙ ⵓⵙⵔⵓⵙ ⵏ ⵜⴷⵉⵏⴰⵎⵉⵜ ⵜⴰⵙⴷⴰⵡⴰⵏⵜ ⵜⴰⵙⵓⵍⴰⵏⵜ ⵉⵙⵡⵓⵔⵉⵏ ⵅⴼ ⵓⴼⴰⵔⵙ ⵏ ⵜⵓⵙⵙⵏⴰ ⴷ ⵓⴼⵙⴰⵔ ⵏ ⵉⵎⵏⵣⴰⵢⵏ ⵏ ⵜⵣⴷⴳⵉ, ⵙ ⵓⵙⵏⵎⴰⵍⴰ ⵏ ⵉⵙⴳⵔⴰⵡⵏ ⵉⵎⴰⵙⵙⴰⵏ ⴷ ⵜⵙⴰⵡⵔⵉⵏ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴳ ⵜⵎⵔⵙⴰⵍ ⵜⵉⵙⴷⴰⵡⵉⵢⵉⵏ ⴳ ⴽⵉⴳⴰⵏ ⵏ ⵜⵎⵏⴰⴹⵉⵏ ⴳ ⵜⴳⵍⴷⵉⵜ, ⴰⵔ ⵜⵜⵓⵙⵔⴰⵙⵏⵜ ⵜⵖⴰⵡⵙⵉⵡⵉⵏ ⵏ ⵜⵣⴷⴳⵉ ⴳ ⵜⵓⴳⴷⵜ ⵏ ⵜⵖⵎⵔⵉⵏ ⵉⵙⵎⴰⵏⵏ ⴳⵔ ⵓⵙⵍⴳⵏ ⴷ ⵜⴷⴰⵎⵙⴰ ⴷ ⵜⵎⴰⵙⵙⴰⵏⵉⵏ ⵜⵉⵏⴰⵎⵓⵏⵉⵏ ⴷ ⵜⵏⴼⴳⴰⵏⵉⵏ ⴷ ⵓⵙⵡⵓⴷⴷⵓ ⴰⵎⴰⵜⴰⵢ, ⴰⵢⵏⵏⴰ ⵉⵙⴷⵓⵙⵏ ⴰⴼⵔⴰⴽ ⵏ ⵉⵎⵃⴹⴰⵕⵏ ⵙ ⵜⵉⵍⴰⵍ ⵏⵏⵙⵏ ⴳ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵔ ⵉⵙⵔⵓⵙ ⵓⵍⵜⴰⵖ ⵏⵏⵙⵏ ⵓⴼⵔⵉⴽ ⴷ ⵓⵎⴰⵙⴰⵢ ⴳ ⵜⵖⴰⵡⵙⵉⵡⵉⵏ ⴰⴷ ⵜⵉⵏⴰⵎⵓⵏⵉⵏ ⵜⵉⵎⵇⵔⴰⵏⵉⵏ. 

ⵜⵙⵡⴰⵜⵜⵙ ⵜⵎⵢⴰⵇⵇⴰⵏⵜ ⵉⵜⵜⵓⴳⴰⵏ ⴰⴷ ⵜⵙⵔⵙ ⴰⵙⴰⵜⵉ ⴰⵙⵜⵔⴰⵜⵉⵊⵉ ⴷ ⵓⵎⵔⵙⴰⵍ ⵏⵓⵎⵢⴰⵡⴰⵙ ⴳⵔ ⵉⴳⵎⴰⵎⵏ ⵙ ⵙⵉⵏ, ⵉⵙⵎⵓⵏ ⴰⵙⵉⴷⴼ ⵏ ⵉⴼⵔⴷⴰⵙ ⵉⵎⵙⵎⵓⵜⵜⵓⴳⵏ ⵉⵥⵍⵉⵏ ⴳ ⵓⵙⴰⴽⴰ ⵏ ⵜⵓⵔⴰⴳⵜ ⴷ ⵓⵎⴰⵙⵜⵔ ⴷ ⴷⴷⵓⴽⵜⵓⵔⴰ, ⴷ ⵡⴰⵏⵏⴰⵍ ⵏ ⵓⵔⵣⵣⵓ ⴰⵎⴰⵙⵙⴰⵏ ⴰⴳⵜⵉⵥⵍⵉ ⴳ ⵜⵖⴰⵡⵙⵉⵡⵉⵏ ⵏ ⵜⵏⵏⵓⴱⴹ ⴷ ⵡⴰⵔⴰⵢ ⵙⴳ ⵓⴳⵓⴼⵙⵓ, ⴰⵀⴰ ⴷ ⵓⵙⵏⵎⴰⵍⴰ ⵏ ⵉⵏⵎⵓⵇⵇⴰⵔⵏ ⵉⵎⴰⵙⵙⴰⵏⵏ, ⴷ ⵓⵙⵙⵔⵇⴱ ⵏ ⵓⴼⴰⵔⵙ ⴰⴽⴰⴷⵉⵎⵉ ⵖⵓⵔ ⵉⵎⵃⴹⴰⵕⵏ ⵙ ⵜⵙⵏⵜⴰⵢⵉⵏ ⵏ ⵓⵙⵙⵔⵇⴱ ⴷ ⵜⵙⵎⵖⵓⵔⵉⵏ ⵏ ⵜⴰⵜⵜⵓⵢⵜ. 

ⵉⴳⴰ ⵓⵍⵖⵓ ⵏ ⵓⵙⵉⴷⴼ ⵏ ⵓⴼⵔⴷⵉⵙ ⴰⵎⵙⵎⵓⵜⵜⴳ ⵉⵥⵍⵉⵏ ⴳ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⴳⵓⴼⵙⵓ ⴳ ⵜⵙⴷⴰⵡⵉⵜ ⵏ ⵎⵓⵃⴰⵎⵎⴻⴷ ⴰⵎⵣⵡⴰⵔⵓ ⴳ ⵡⵓⵊⴷⴰ ⵙⴳ ⵜⵢⴰⴼⵓⵜⵉⵏ ⵢⵓⵎⴰⵏ ⵏ ⵓⵎⵢⴰⵡⴰⵙ ⴰⴷ, ⵎⵉⵏⵣⵉ ⵉⴳⴰ ⵓⴼⵔⴷⵉⵙ ⴰⴷ ⵜⴰⵔⵙⵍⵜ ⵜⴰⴷⵙⵍⴰⵏⵜ ⴳ ⵓⴱⵔⵉⴷ ⵏ ⵓⵙⴽⴰⵔ ⵏ ⵜⵓⵚⴽⵉⵡⵉⵏ ⵏ ⵓⵔⵣⵣⵓ ⵉⵜⵜⵓⵙⵓⴷⵙⵏ ⵉⵣⵎⵔⵏ ⴰⴷ ⵙⵢⴰⴼⵓⵏⵜ ⵜⵓⵙⵙⵏⴰ ⵉⴳⴳⵓⴷⵉⵏ ⵉⵥⵍⵉⵏ, ⴷ ⵡⴰⵡⵡⴰⵙ ⵏ ⵜⵖⵜⴰⵙⵜ ⵜⴰⴳⴷⵓⴷⴰⵏⵜ ⵙ ⵉⴼⵙⵙⴰⵢⵏ ⵉⵜⵜⵓⵙⵏⵓⵍⴼⴰⵏ ⴷ ⵉⴱⴷⴷⴰⵏ ⵅⴼ ⵜⵙⵉⵍⴰⵡⵉⵏ ⵉⴷⵓⵙⵏ, ⴰⵢⵏⵏⴰ ⵉⵜⵜⵔⴰⵔⴰⵏ ⴰⴷⵖⴰⵔ ⵏ ⵜⵙⴷⴰⵡⵉⵜ ⴷ ⴰⵎⴳⴳⴰⵢ ⴰⵎⴼⴰⵔⵙ ⵏ ⵜⵓⵙⵙⵏⴰ ⵜⴰⵙⵜⵔⴰⵜⵉⵊⵉⵜ, ⴷ ⵓⵙⴰⵔⵎ ⵉⴷⵜⵜⴰⵏ ⵏ ⵉⵙⵡⵉⵏⴳⵉⵎⵏ ⴳ ⵜⵏⴰⴼⵓⵜ ⵏ ⵓⵥⵟⵟ ⵏ ⵜⵣⴷⴳⵓ ⴰⵏⴰⵎⵓⵔ. 

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵏ ⵎⵓⵃⵎⵎⴻⴷ ⴰⵎⵣⵡⴰⵔⵓ ⴳ ⵡⵓⵊⴷⴰ ⵎⴰⵙⵙ ⵢⴰⵙⵉⵏ ⵣⵖⵍⵓⵍ ⴳ ⵜⴳⵓⵔⵉ ⵏⵏⵙ ⵙ ⵓⵣⵎⵣⵣⵓ ⴰⴷ ⴰⵙⵓⵊⴷ ⵏ ⵜⵙⴷⴰⵡⵉⵜ ⵉ ⵓⵍⵜⴰⵖ ⴰⵏⵎⴷⵓ ⴷⴳ ⵜⴷⵉⵏⴰⵎⵉⵜ ⴰⴷ ⵜⴰⵏⴰⵎⵓⵔⵜ, ⴰⴽⴽⵯ ⵙ ⵓⵙⵉⴷⴼ ⵏ ⵜⵎⵢⵉⵡⵏⵉⵏ ⵏ ⵓⵙⵎⵓⵜⵜⴳ ⴳ ⵉⵙⵓⴽⴰ ⵏ ⵜⵓⵔⴰⴳⵜ ⴷ ⵓⵎⴰⵙⵜⵔ ⴷ ⴷⴷⵓⴽⵜⵓⵔⴰ, ⵏⵖ ⴷ ⵙ ⵓⵎⵢⴰⵡⴰⵙ ⵉⴷⵓⵙⵏ ⴰⴽⴷ ⵓⴳⵔⴰⵡ ⴳ ⵓⵕⵥⵥⵓⵎ ⵏ ⵜⵙⵏⵜⴰⵢⵉⵏ ⴷ ⵉⵙⵏⴼⴰⵔ ⵉⵎⴳⵔⴰ; ⴳ ⵜⵉⵣⵉ ⴳ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴼ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⵎⴰⵙⵙ ⵎⵓⵃⴰⵎⵎⴰⴷ ⴱⵏⵄⵍⵉⵍⵍⵓ ⵅⴼ ⵓⴷⵖⴰⵔ ⴰⵏⴰⵎⵎⴰⵙ ⵏⵏⴰ ⵉⵟⵟⴰⴼ ⵓⵙⴰⵢⵔⴰⵔ ⴰⵙⴷⴰⵡⴰⵏ ⴳ ⵓⵙⵔⵓⵙ ⵏ ⵡⴰⵣⴰⵍⵏ ⵏ ⵜⵣⴷⴳⵉ ⴷ ⵜⵎⵙⵜⴳⴳⴰⵔⵜ, ⵉⵔⵏⵓ ⴰⵙⵓⵊⴷ ⴰⵏⵎⴷⵓ ⵏ ⵓⴳⵔⴰⵡ ⴳ ⵡⴰⵏⵏⴰⵍ ⴷ ⵓⵙⵙⵔⵇⴱ ⵏ ⵉⴼⴰⵔⵙⵏ ⵉⴽⴰⴷⵉⵎⵉⵢⵏ ⵉⵎⵙⵏⴼⵍⵓⵍⵏ ⵏ ⵉⵎⵃⴹⴰⵕⵏ ⴳ ⵢⵉⴳⵔ ⴰⴷ. 

ⴳ ⵜⵙⴳⴰ ⵏⵏⵙ, ⵉⵙⵓⵜⴳ ⵎⴰⵙⵙ ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⴰⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵜⴰⵙⵏⵜⴰⵢⵜ ⵏ ⵓⴳⵔⴰⵡ ⴰⵏⴰⵎⵓⵔ ⵉⵙⵉⵡⵉⴹⵏ ⵖⵔ ⵓⵙⵉⴷⴼ ⵏ ⵜⵙⴷⴰⵡⵉⵢⵉⵏ ⴳ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⴳ ⵓⵙⵔⵓⵙ ⵏ ⵓⵥⵟⵟⴰ ⴰⵏⴰⵎⵓⵔ ⵏ ⵜⵣⴷⴳⵉ. ⵉⵙⴷⴷⵉⴷ ⵎⴰⵙ ⵔⴰⴷ ⵜⴳ ⵜⵖⵉⵡⴰⵏⵜ ⵜⵉⵎⵔⵙⵍⵜ ⵜⴰⵙⴷⴰⵡⴰⵏⵜ ⵜⴰⵎⵣⵡⴰⵔⵓⵜ ⵍⵍⵉ ⵔⴰⴷ ⵉⵙⵡⵓⵔⵉ ⵅⴼ ⵓⵙⵉⴷⴼ ⵏ ⵜⵎⵢⵉⵡⵏⵜ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵜⵣⴷⴳⵉ ⴳ ⵓⵙⴰⴽⴰ ⵏ ⵓⵎⴰⵙⵜⵔ, ⴳ ⵜⵉⵣⵉ ⵍⵍⵉ ⵔⴰⴷ ⵙⵓⵍ ⵜⵙⵡⵓⵔⵉ ⵅⴼ ⵓⵍⵜⴰⵖ ⴳ ⵓⴱⵔⵉⴷ ⴰⴷ ⴳ ⵉⵙⵓⴽⴰ ⴷ ⵉⵥⵍⵉⵢⵏ ⵏⵏⵉⴹⵏ. 

ⵜⴳⴰ ⵜⵙⵏⵜⴰⵢⵜ ⴰⴷ ⵙ ⵎⴰⵕⵕ ⵉⴼⵔⴷⵉⵙⵏ ⵏⵏⵙ ⵢⴰⵜ ⵜⵙⵓⵔⵉⴼⵜ ⵜⴰⵏⴰⵡⴰⵏⵜ, ⴳ ⵓⴱⵔⵉⴷ ⵏ ⵓⵙⵎⵓⵜⵜⵉ ⵙⴳ ⵓⵙⴰⵙⴼⵔ ⵏ ⵓⴳⵓⴼⵙⵓ ⵉⴳⴰⵏ ⵜⵓⵎⴰⵏⵜ ⵜⵓⵍⴳⵉⵏⵜ ⴰⵔ ⴰⴼⵙⴰⵍ ⵏⵏⵙ ⴷ ⴰⵏⴳⵔⴰⵡ ⴰⵏⴰⵎⵓⵏ ⴷ ⵓⴷⵍⵙⴰⵏ, ⵙ ⵜⵎⵢⴰⴷⴰⵙⵜ ⵏ ⵜⵓⵙⵙⵏⴰ ⴷ ⵓⵙⴳⵎⵉ ⴷ ⵓⵔⵣⵣⵓ ⴰⵎⴰⵙⵙⴰⵏ; ⵏⵜⵜⴰⵜ ⴷ ⴰⵎⵙⴰⵔⴰⵙ ⴰⵙⵜⵔⴰⵜⵉⵊⵉ ⵉⵇⵇⵍ ⵣⵉⴳⵙ ⵓⵙⵙⴰⵔⵓ ⴳ ⵓⴼⵔⴰⴽ, ⴷ ⵓⵙⵎⵓⵜⵜⴳ ⵏ ⵜⵓⴼⵔⵉⵏⵉⵏ ⵜⵉⵎⴰⵢⵏⵓⵜⵉⵏ ⵉⴼⵍⵙⵏ ⵙ ⵡⴰⵣⴰⵍⵏ ⵏ ⵜⵣⴷⴳⵉ, ⴷ ⵜⵉⴷ ⵉⵥⴹⴰⵕⵏ ⴰⴷ ⵜⵏ ⵔⴰⵔⵏ ⴰⴷ ⴳⵉⵏ ⵜⵉⵎⵙⴽⴰⵔ ⴳ ⵜⵉⵍⴰⵡⵜ, ⴳ ⵓⵎⵏⵉⴷ ⵏ ⵓⵙⵔⵓⵙ ⵏ ⵓⵣⵓⵔⵜ ⴰⵏⴰⵎⵓⵏ ⵉⴱⴷⴷⴰⵏ ⵅⴼ ⵜⵣⴷⴳⵉ ⴷ ⵜⵎⵙⵜⴳⴳⴰⵔⵜ ⵜⴰⵎⴳⵔⵓⵜ.