ⵉⵙⴳⵎⴹ ‎ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ‎‎ⵓⵙⴱⴷⴷⵉ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ  ⵓⵏⴳⵎⴰⵎ ⵏ ⵓⵙⵉⴹⵏ ⴳ ⵓⵡⴰⵏⴽ ‎‎ⵏ ⵍⵉⵎⴰⵔⴰⵜ‎ ⴰⵙⵙ ⵏ ⵓⴽⵕⴰⵙ 12 ⵏⵉⵡⴰⵏⴱⵉⵔ 2025, ⵢⴰⵜ ⵜⵓⵏⵏⵉⴹⵜ ⵏ ⵓⵎⵛⴰⵛⴽⴰ ⵉⵡⵜⵜⵙⵏ ⴰⵙⴷⵓⵙ ⵏ ⵜⵎⴷⵔⴰⵡⵜ ⵜⴰⵎⵔⵙⴰⵍⵜ ⴷ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ.

ⵉⵜⵜⵓⵙⴳⵎⴹ ⵓⵎⵙⵉⵡⵍ ⴰⴷ ⴳ ⵢⴰⵜ ⵜⵙⵎⵓⵏⵉ ⵢⴰⵜⵜⵓⵢⵏ ⵍⵍⵉ ⵢⵙⵙⵉⵅⴼ ⵎⴰⵙⵙ ⵎⵓⵃⵎⵎⴷ ⴱⵏⴰⵍⵍⵓ, ⴰⵏⵙⵙⵉⵅⴼ ⵏ ⵜⴽⵎⵉⵙⵜ ⵜⴰⵏⴰⵎⵓⵔⵜ ⵏ ⵜⵥⴹⴰⵕⵜ, ⵏ ⵓⴱⵔⵙⵉⵔⴰ ⴷ ⵏ ⵓⵙⵏⵖⵎⵙ ⵏ ⵜⵥⴹⴰⵕⵜ, ⴷ ⵎⴰⵙⵙ ⵀⵓⵎⴰⵉⴷ ⴱⵏ ⵓⴱⴰⵢⴷ ⴰⴱⵓ ⵛⴰⴱⴰⵙ, ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵜⵎⵙⵙⵓⴳⵓⵔⵜ ⵏ ⵜⵎⵉⵔⵉⵡⵉⵏ, ⴳ ⵓⵙⴰⵜⵉ ⵏ ⵉⵎⵙⴽⴰⵔⵏ ⴷ ⵉⵎⵙⵜⴳⴳⴰⵔⵏ ⵏ ⵙⵏⴰⵜ ⵜⵎⵔⵙⴰⵍⵉⵏ.

ⴰⵙⴳⵎⴹ ⴰⴷ ⵉⵔⴰⵏ ⴰⴷ ⵉⵙⵔⵙ ⵓⵎⵢⴰⵡⴰⵙ ⵉⵛⵛⴰⵔⵏ ⴷ ⵓⵙⵏⴼⵍ ⵏ ⵜⵓⵙⵏⴰ ⴷ ⵜⴷⵓⵙⵉ ⵉⵖⵓⴷⴰⵏ, ⴳ ⵓⵙⴰⵜⵉ ⵏ ⵓⵃⵟⵟⵓ ⵏ ⵓⵣⵔⴼ ⴰⵏⴰⵎⵓⵔ ⵏ ⵙⵏⴰⵜ ⵜⵎⵉⵣⴰⵔ, ⴷ ⴰⴷ ⵉⵙⵎⵓⵙⵙⵓ ⵉⵅⵚⵚⴰⵏ ⵏ ⵜⵎⵙⵎⵓⵏⵜ ⵏ ⵜⵎⵜⵜⴰ ⵢⵎⴰⵏⵏ ⵎⴳⴰⵍ ⵏ ⵜⵥⴹⵕⴰ, ⴷ ⵓⵙⵉⵡⴹ ⵏ ⵜⵉⵏⴰⵡⵜ ⵜⴰⵎⵜ ⵏ ⵉⵡⴰⵏⴽⵏ ⵏ 2019 ⵅⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵜⵙⵏⵓⵔⴰⵢⵉⵏ ⵏ ⵓⵙⵏⵖⵎⵙ ⵏ ⵜⵥⴹⵕⴰ ⴷ ⵜⵎⵔⵙⴰⵍ ⵏ ⵓⵙⵉⴳⴳⵍ ⴰⵏⴰⴼⵍⵍⴰ.

ⴰⵙⴳⵎⴹ ⴰⴷ ⵉⵙⵙⵏⴼⵍⵏ ⵜⵉⴷⵔⴼⵉ ⵏ ⵜⵓⵇⵇⵏⵉⵏ ⵉⵥⵍⵉⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵓⵏⵜ ⵏ ⵜⵎⵉⵔⵉⵡⵉⵏ ⵜⵉⵄⵕⴰⴱⵉⵏ, ⴷ ⵜⵉⵔⴰⵜ ⵉⵛⵛⴰⵔⵏ ⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⴰⵙⵔⵙⵉ ⴷ ⵓⵙⵏⴼⵍ ⵏ ⵉⵔⵉⵎⵏ ⵉⵎⵓⵔⵙⵏ ⴳ ⵉⴳⵔ ⵏ ⵓⵙⴱⵓⵖⵍⵓ ⵏ ⵜⵥⴹⴰⵕⵜ, ⴷ ⵓⵃⵟⵟⵓ ⵏ ⵉⴷⵔⵉⵎⵏ ⵉⴳⴷⵓⴷⴰⵏⵏ, ⴷ ⵓⵙⴷⵓⵙ ⵏ ⵓⵙⵔⵙ ⵏ ⵜⵏⴱⴰⴹⵜ ⵉⵖⵓⴷⴰⵏ ⴳ ⵙⵏⴰⵜ ⵜⵎⵔⵙⴰⵍⵉⵏ.